歌詞庫 - 組合 - 農夫 Farmer - 鄭永芝

遊客: 註冊 | 登錄 | 搜索 | 廣告查詢

@KTzone » 歌詞庫 » 農夫 Farmer » 鄭永芝 » 十七年華

歌手: 農夫 (Farmer)

歌曲: 十七年華 (專輯:鄭永芝)

上傳會員: Ｋｗａｎ～

日期: 2005 - 4

歌詞

叛逆少女墮樓亡　迷魂毒品累一生

黎丫黎丫陪我行　我諗我行埋呢趟樓梯應該唔會煩
我諗個天台應該有好多靚位俾我揀
等我揀返個跌落黎會死得無咁慢　死得　比較燦爛

幾得　教堂啲Father話要當正Father係我親生Father千祈咪將佢褻瀆
但係我既親生Father就係每晚扒喺我度攞我黎洩慾　咁我既結局
係咪就係行多十七層　我而家十七歲　座大廈無第十八層
咁　我又有冇第十八歲(少女尋死　慈父燒鵝脾跚跚來遲)

我日日等　日日忍　但係點解都硬係咁
問上主　問老師　話俾通街啲社工知
但係佢地話我飛女衰女吹水　不突止　仲話咦　乜你開始食毒品
無錯我成身安眠藥　但係無諗過食　安眠藥死
只不過係我身體弱弱地　醫生著略俾　幾樽等我返屋企可以略略訓得著
但係個屋企　我無再返返黎　我老豆根本係隻生番黎　你依家睇緊唔係三更黎
我阿媽會靠啲中藥番生先奇　媽　我落黎陪你

＊左圖為死者高處墮下　右圖為女死者的爸爸
　驚聞惡號後悲痛不已　本圖為本報獨家＊

ｒｅｐｅａｔ　＊

＃此時這地　就這年遠離
　就當無散聚　我　又化做雨水
　窗外雨痕　那夜星路殞落　來又去
　你我不過又再　兜圈＃

本報訊某中學中三輔導班　一名女學生　於昨日晚間被其
大廈夜間看更　黃生發現　倒臥於大廈門口與停車場之間
發現事主時已不醒人事　送院救治後證實不治
女死者梁ｘ交叉十七歲　在校內成績很差為一名夜歸少女
在家中她是一名獨女　早年喪母與父親同居
身兼母職的父親一向疼愛女兒（一點知）
他昨夜下班時　如想逗女兒歡喜　買了燒鵝脾
喜了未己　回家已得知女兒尋死

我仲唔死　唔通等佢食完隻燒鵝脾　再擒上尼

梁父一臉茫然道　傻女　係學校既野可以話俾老豆知加嘛

竟然於　死者身上發現安眠藥（喂我訓唔著喎）
與咳藥水（我咳喎）懷疑是服食過量藥物導致　自殺的證據

ｒｅｐｅａｔ　＃

第二天　沒人理會這新聞
第三天　沒人理會這新聞
第四天　沒人理會這新聞
第五天　同樣事件再發生
第六天　人人關注那新聞
第七天　沒人理會那新聞
第八天　沒人理會那新聞
第九天　沒人理會那新聞
第十天　沒人理會那新聞

清除 Cookies - 聯繫我們 - @KTzone - Archiver - WAP

重要聲明：本討論區是以即時上載留言的方式運作，KTZHK.COM討論區對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，用戶不應信賴內容，並應自行判斷內容之真實性。於有關情形下，用戶應尋求專業意見(如涉及醫療、法律或投資等問題)。 (x) 由於本討論區受到「即時上載留言」運作方式所規限，故不能完全監察所有留言，若讀者發現有留言出現問題，請聯絡我們。KTZHK.COM討論區有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。