2008-5-13 12:33
amysohauming
以下是一系列常見的冷(爛)笑話
1. 巴斯光年殺左條龍之後自封為咩？殺龍巴斯
2. 從前有個gag掉左落地.........無爛到
3. 咩植物識溜冰？花，因為花式(識)溜冰
4. 皇后似咩？似廣場，因為皇后像廣場
5. 皇后的頭形如甚麼？形如馬頭，因為皇后碼（馬）頭
6. 咩玩具唔可以係船玩？爆旋陀螺
7. 有乜野慘過食屎？食兩舊屎
8. 郭富城唱咩歌？唱「這歌」；去中國唱咩？「唱」人民幣
9. 有一塊火腿同一條腸仔放左落同一隻鑊度，點解佢地唔傾計？因為佢地未熟
10. 讀完中五讀乜？讀下午
11. 點解唔可以係船上講笑話？因為個海聽到會笑，咁就會引起海嘯
12. 食乜野昆蟲會瘦？蟻...因為食蟻瘦
13. 用身體上邊樣野可以修飾雙手？答案係毛髮（毛髮可修飾的一對手）
14. 1+1 幾時會=3？錯個陣
15. 去小明屋企禁極門鍾佢都唔開，最後講左一句乜小明先去開門？「我來自德成」
16. 樹邊部份最得閒？葉！因為「葉得閒」(葉德嫻，香港七十至八十年代有名歌手之一)
17. 微分 sin 同 積分 sin 分別係咩呢？係「設計」同「入面」（d-sin 同 in-sin）
18. 達文西密碼上面是什麼？達文西帳號...
19. 世界上最貴既係咩菜？係「巴菜」(巴塞隆納，一隊西班牙足球隊)
20. 食得檸檬多會傷架喎，傷咩呀？傷心囉
21. 鯊魚食左紅豆會變咩？紅豆沙∼
22. 檸檬最怕咩生果呢？柑！（柑橘檸檬）
23. 估一句英文：「ABAABBBBBBBBABABAAAAAAAAABBBBBBBBBBBBABABAAABAAAAAA」。（Long time no C (see)）
24. 窩打老道的老豆叫咩名？窩打老豆
25. 王子吻了公主，王子變了冬菇，公主變了雲腿，他們從此係煲仔入面，過住好焗既生活。
26. 有一日，火柴人行行下街覺得個頭好痕，跟住搲搲（音「ＲＲ」）佢，之後個頭著火，咁就死左嚕∼
27. 小明自己做暑期作業，第二日就死去，因為自作業（孽）不可活。
28. M記寫住「笑容免費供應」，小明就去同佢講：「唔該三個笑容拎走。」
29. 甚麼樣的爐最受小朋友愛戴？打甂爐？非也，麥當勞（爐）是也！
30. 什麼交通工具最鍾意話人肥？直昇機！因為"fat fat fat fat..."
31. 戰狼800為什麼最後剩下戰狼300？因為伍佰去咗唱歌...
32. 湯告魯斯最後為什麼無死到？因為"最後無事(武士)"
33. 知唔知滔滔(飲食節目常出現的肥佬)用咩用到咁肥? olay total(滔滔) effect (易fat)
34. 每一個運動都有一個姓氏,籃球姓籃,足球姓足,咁柔道姓咩呢?姓柔?唔係...係「由到聖誕...(柔道姓誕」
35. 波波,哥哥,科科一齊去番學...知唔知邊個會遲到呢?波波,因為波波池(遲)
36. 廣東出冬瓜, 廣西出西瓜, 廣北出什麼?廣北出聲(講不出聲 - 無綫電視劇《溏心風暴》主題曲)
其實重有好多，但其餘果d實在太爛，爛到無得再爛，so 我delete左