記得幾年前一個假期既下午5點幾，我同朋友坐地鐵由銅鑼灣到又一城，我地就坐係車頭起計第二排坐位(當時架車差唔多坐滿，但冇人企)。

當列車將近到達太子站時，突然聴到"砰"一聲，同時感覺到地下有震盪，車頭一定係撞到嘢，而且連其他乘客都四處張望，大家都feel到咩事! 於是架車未到晒站就急停咗(只得頭一兩卡見到月台)! 當時月台上好多人排緊隊，但係就冇咩特別表情，而架車亦一直停係度唔郁又唔開門。如是者過咗幾個字，見到有救護員抬住擔架床落咗車頭路軌，但因角度問題睇唔到佢地做緊乜。再過一段時間終於見佢地上番嚟，但冇抬d咩上嚟，而月台d人只係一臉唔耐煩，好似唔知發生咩事咁! 再過一陣架車先郁返，但就直踩到下一站，中途廣播話「因為輕微故障，列車將在下一站停車」，之後去到下一站先開門。

當時我地都心知不妙 - 如果真係撞到人，點解月台d人一d好奇/驚慌都冇，只係覺得唔耐煩? 如果唔係撞到人，點解要出動救護員? 點解架車輕微故障就要飛站(個理由都唔make sense)? 故障更應該畀乘客落車先! 當停車開門之後，我地胆粗粗裝吓個車頭，一d血跡或損壞都冇! 跟住我地都出咗閘...我再打畀個記者朋友，佢話收唔到風地鐵撞到人，可能係架車「撞嘢」，仲唔係第一次! 之後嗰幾日我都有留意新聞，但都冇話地鐵撞到人或故障...

個結論就係司機以為撞到嗰個係人，call咗救護員嚟睇，點知冇料到先知係「撞嘢」! 因為坐車頭既人同部份月台既人可能知道或估到係咩事，為咗分隔開月台同車內兩班人以免引起混亂，於是到下一站先開門，因為下一站月台d人跟本唔知架車停過!


:64:

失去的東西....
孤獨....寂寞....
甚麼都沒有....
哪裡都不能回.....
唯一有的....
就是最喜歡的人的.....記憶....
但是....只能不斷在找尋....
可能....不會再回來的東西....
憑著自己一個....拖著傷痕累累的心....
永遠不斷找尋....
直至有一天....自己徹底消失為止....
到了那個時候....

錯啦~~~係因為佢飛站~~~後面果d列車都會延誤~~~

我唔認同樓上既講法...

一個班地鐵要飛站應站係一d好嚴重既事先會做咁既決定, 成班車, 可能有幾十甚至幾百人係下一個站落...尤其係太子站呢d用黎轉車既站...冇可能因為怕延誤要飛站...

都幾有趣