今日(11月2日零晨1點)同朋友食完晚飯之後帶vodka去九龍城公園散步,因為我知道vodka最中意走公園,去到公園之後,我如常帶佢去大小二便,同時間亦都見到一群會在星期五/六/日晚到公園放狗既年輕人.

佢地分別係4男2女,各自有4隻布爹利犬,1隻洛威拿,一隻西施,同一隻細狗。每次佢地都會唔綁d狗由佢地通公園跑,而且仲係九龍城公會內面既涼亭活動。

頭先我帶vodka行到涼亭既時候,忽然有一隻布爹利犬從後撲出,我來不及反應,布爹利犬就咬住我隻狗唔放,,而其他既布爹利犬亦從四方八面走出來,亦撲上來咬住我隻狗,我隻狗比佢地咬到縮低左,之後我不斷尖叫,一個相信係其主人既男仔先慢慢跑出,喝住d狗,而男仔既其他朋友(包括一個女仔,兩個男仔)好串咁問:邊個來嫁?
我係咁扯返我隻狗返來之後,我問返佢地:你地d狗咬我隻狗,仲問我邊個來?你地唔識道歉同睇下我隻狗點嫁?

之後個女仔依然好串咁問:邊個來嫁?
(之後因為我掛住睇我隻狗而無聽到佢地答咩)

我好驚,即刻打比我朋友叫佢落來(我隻狗已經嚇到失禁,而我又唔知點算好),因為佢地仲有隻洛威拿追出來,(亦都無綁繩,)之後,個班年輕人好快就叫走(可能知我叫左朋友)

我即刻喝住佢地,我話:你地而家隻狗咬到我隻狗流晒血,就咁就走左去,你地都叫愛狗?

(布爹利主人)好唔服氣)你點知係我隻狗咬佢(指住我隻狗)

我:咁我係見到隻布爹利咬佢嫁!

(眾年輕人+布爹利主人):成街都係布爹利,一定係我隻狗?

佢地死都唔認佢地d狗咬人,而且仲聲大大,又唔肯睇我隻狗傷成點,vodka見到佢地d狗都已經嚇到甩狗繩跑走左,我掛住追我隻狗而無再同佢地爭辯.而個班所謂愛狗之人走之前仲聲大大講:睇住你隻狗仲好過啦...........

返到屋企之後,我睇返vokda,先知佢比隻布爹利咬到損晒(見圖):
[img]http://www.hkpet.net/image/forum/DSC00526(1).JPG[/img]
[img]http://www.hkpet.net/image/forum/DSC00525.JPG[/img]
[img]http://www.hkpet.net/image/forum/DSC00529(1).JPG[/img]
我唔明點解一班講到自己好愛狗既人會咁對其他狗,最嬲既係佢地見到自己既狗咬第二d狗既時候係愛理不理,重要唔認.好乞人憎!

如果你地去九龍城公園放狗,或散步,希望你地會留意呢班人同佢地d狗,因為佢地唔綁住d狗,我唔想有下一個受害者.而我亦希望愛狗既你地會將呢個訊息傳出去,等多d人知道呢班人既惡行!!

[ Last edited by 草莓妹_24 on 2007-11-10 at 07:19 PM ]

經過小妹連幾日既留言之後,終於有自稱狗主既人睇到,而且仲嚮討論區留下留言:
[url]http://www.hkpet.net/big5/forum/content.asp[/url]

重點同下:

放狗緊係放唔拖狗帶ga啦!!仲搵條帶拖住佢不如唔好放!!!
其實你見到咁多狗就咪再行埋去啦~你隻狗同佢地D狗又唔熟,見到3唔識7既狗咁緊係緊張啦~佢地放緊D狗會走圭黎都唔出奇ga wo~
每人都有責任你唔可以怪晒人地ga~你連自己隻狗都睇唔住又真係有d問題!!!明知你隻狗驚就唔應該再帶番佢轉頭比個班人睇!!難怪佢會驚到走!!!
何況佢身上只係紅左而唔係真係比佢咬到囉~
你太誇張了!!大家都係放狗姐~大家都有責任的!!!
By 亞水 at 04 Nov 2007 22:32
--------------------------------------------------------

我就係狗主, 到底想點吖而家, Bull terrier 咬住你隻狗, hole 都無個, 俾足面你啦, 喺到浪費時間POST嘢, 有時間去還神啦
By Bull terrier at 05 Nov 2007 10:28

-----------------------------------------------------------

你話你隻狗比人咬到流晒血, 但係睇相血都無滴喎, 你唔帶牠睇DOCTOR, POST 埋張醫生證明上嚟吖嘛.
By Bull terrier at 05 Nov 2007 10:59

-------------------------------------------------------

我都唔明放狗點解一定要放狗繩,亦都可以咁講,識得教同識得控制自己隻狗個 d 狗主未可以囉,如果 d 狗見到 d 3 唔識 7 既狗或人會緊張同埋會攻擊既,咁又使唔使用呢,點解而家有咁多人仲係怕狗,我覺得呢個都係原因之一,d 狗既主人控制唔到但又唔同佢拖狗繩出街,出街時就算隻狗冇咬到人,嚇到人都唔好啦!!仲有公園係公眾地方,係人都可以行,冇理由見到你地 d 狗要運路走架~~
各位都係愛狗人仕,我覺得如果自己係仲未可以叫到自己隻狗聽話,拖狗繩出街唔係咁冇面 o者 ,唔拖狗繩出街如果咬到人同狗到時比人告仲瘀爆啦~~
By shirley at 05 Nov 2007 12:56

----------------------------------------------------------------------

大家住既地方唔同文化姐~你住KLN CITY既話你一定唔會覺得拖大狗出街唔帶MASK有問題!!如果你要報過警既話我諗大把人會勁憎你囉!!你自己住KLN CITY你自己都應該見過有幾多人拖住隻BULL TERRIER出街啦~好心你地啦~都唔知你地要嘈咩~養大狗同細狗根本就唔同~養細狗你唔帶佢落街都得~大狗唔得囉~
你要報警你地報飽佢,個個公園唔比狗入的,你隻狗都係係個到比狗咬GA JAR~要死咪一齊死囉~你報警都用下腦啦~
你自己拖唔住隻狗唔可以話人~都講左大家都有責任~仲嘈咩姐~大家唔好咁無聊啦~有時間睇下自己隻狗好過啦~
By 亞水 at 05 Nov 2007 17:

---------------------------------------------------------------------------

你有無諗過咬人佢隻狗個隻bull dog唔係同佢嘈個班人養的~當時仲有好多人一齊放的!!有一班人從另一邊走左pet kwok自己睇唔到,人地都同佢講左咬佢的已經從另一邊走左,pet kwok你話錯人喇~
By 亞水 at 05 Nov 2007 17:58

-----------------------------------------------------------------------------

其實你地都淨係聽pet kwok講姐~根唔就唔可以下家論邊個岩邊個唔岩~
最無聊個個係pet kwok囉~差唔多個個討論區佢都有post~
By 亞水 at 05 Nov 2007 20:11

------------------------------------------------------------------------------

Pet Kwok

其實我係當晚其中一個女仔, 亦都應該是我其中一隻BT咬到vodka, 我地當晚唔係問你係邊個, 而係問到底隻BT係邊個, 因為要知道隻BT係邊個先能夠容易D叫開. 其實我地D狗一向都無嘢, 如果佢地之前有前科我地一定會拖住+用口罩. 點都好, 令到vodka受傷和受驚, 我喺到衷心向你同vodka講聲”SORRY”.但因為我地D狗太有活力, 所以真係唔可以唔放帶放, 不過我地以後會盡量夜d先放, 同埋一定會睇實但佢地,希望大家見諒
By monica at 06 Nov 2007 10:36

-----------------------------------------------------------------------------------------

我post個晚件事出來,唔係想話有心抺黑當晚咬vodka既人,大家都無愛狗之人,如果你一個人放狗,而有一大班狗衝出來咬你隻狗,你會點算?
正如我當晚所講,我唔係想你地賠錢,而係起碼有句道歉(如果你係當晚在現場既狗主,我諗你好清楚我講過唔只止一次)
我post上各個論壇,係因為我想有人會關注呢件事,唔通你覺得我會無聊到搵一晚特登同你地當面對質?事過境遷,就算我搵到你地,你地會認咩?
就係因為你見到我post左上咁多個論壇,你地都會緊張件事,起碼,會有一個人肯出來道歉,而唔係令件事不了了之,又或者覺得自己根本無錯,
睇左咁多個網友既reply,好開心咁多人關心vodka,佢既紅印已經結焦,不過我應該唔會再帶佢去公園了.
至於另一位自稱狗主既網友,如果你仲係覺得自己無錯既,隨便你,我亦無意同你爭辯,不過放心,我會將呢一篇post登去各大網站,話比全世界知你既德行.
最後,姑勿論同我講sorry既網友係唔係真正既狗主,我都覺得我做既野終於都有回報.
By pet kwok at 10 Nov 2007 18:15