羅蘭潮拍廣告收「求其價」

80歲的羅蘭姐「潮」得起，獲一間公司邀請她拍微廣告。雖然拍足一日，但羅蘭姐形容只係「求其收錢」，寓工作於娛樂。有錢賺，又有精神寄託，是羅蘭姐口中保持心境開朗的妙法，她公開養生之道：「點解要諗自己老啫？如果覺得自己年紀老就會好攰，我唔認老咖，我時不時做義工去提神，兼且會帶艱苦團去行山。」

[img]http://www02.ktzhk.com/attachment.php?aid=723830&noupdate=yes&nothumb=yes[/img]

當日羅蘭姐一身行政人員制服，以cool爆女強人姿態現身介紹產品，片尾加句：「就係咁簡單，真係一隻手指就搞掂，你唔係仲out過我呀嘛？」形象跟平日的羅蘭姐大不同。

拍攝當日廣告客戶兩位高層特地前來探班打氣，大讚呢位前輩級演員夠專業，點解揀羅蘭姐？高層話：「佢80歲都好in。」

對於自己被讚好潮，羅蘭姐說：「家陣科技愈發達，私隱就愈冇保障，好似我當年一張泳衣照就喺互聯網瘋傳，連我都嚇咗一跳，好彩張相正正經經，又影得幾靚，所以唔介意公諸同好。」

為保護私隱，羅蘭姐唔會在手機入面加入電話簿，免得遺失電話時累到藝人朋友：「我寧可用本簿記低每日要打嘅電話號碼，電話簿永遠留喺屋企就最安全，同埋我想提醒所有人，唔好用手機影咁多私密相，其實點解要用部手機嚟影呢？」

[[i] 本帖最後由 Yoya_yoya 於 2015-1-30 11:37 編輯 [/i]]