黃之鋒阿媽擔心自己個仔可以寫信，咁人哋阿媽點算？

[url]https://hk.news.yahoo.com/%E9%BB%83%E4%B9%8B%E9%8B%92%E6%AF%8D%E7%99%BC%E5%85%AC%E9%96%8B%E4%BF%A1-%E7%B1%B2%E6%94%BF%E5%BA%9C%E9%87%8D%E5%95%9F%E5%B0%8D%E8%A9%B1%E6%BA%9D%E9%80%9A%E5%A4%A7%E9%96%80-093000591.html[/url]
學民思潮召集人黃之鋒的媽媽表示，負責任的政府必須正視這一代年青學子對普選的訴求，政府可以不同意他們的見解，但應以敎育和溝通去疏導，而非漠視冷待，否則將造成這一代人對政府更大的抗拒和離心。她又說「解鈴還須繫鈴人」，呼籲政府重啟對話溝通的大門。
黃太，你點做人阿媽㗎？

係，人人政見唔同，你個仔係有理想，我都相信「民主」係全港市民嘅共同理想，但唔通「交通癱瘓」、「仔女坐監」都係全港市民嘅理想？表達個人訴求，我哋都理解，但你個仔表達自己訴求，洗唔洗叫埋人哋仔女同佢一齊去犯法，去絕食呀？仔女唔要前途唔要命，你就寫公開信，叫班議員嚟探佢，咁人哋父母點算？

黃太，你話唔明點解香港鋪天蓋地咁咒罵你個仔，唔明點解香港人咁嬲。而家你個仔帶埋我仔打爛咗我屋企D嘢呀，你叫我點會唔嬲！你確係好應該寫公開信，不過係同全港父母講聲「對唔住，我教子無方，累埋你哋仔女」，為你個仔爭取返我哋嘅原諒先至係啱，唔係怪責其他人。