【馬賽開記招】馬賽承認仲有其他影片 憂已被發送予傳媒

[img]http://static.apple.nextmedia.com/images/e-paper/20140724/large/1406200398_de66.jpg[/img]
馬賽話條片係舊年拍，已經過咗一段幾長時間。

馬賽於記招上，被傳媒問及流出之影片究竟係幾時拍，馬賽就話:「條片係舊年拍，已經過咗一段幾長時間。」舊年幾時？馬賽表示:「噚日報警後，重案組亦上我家錄口供，我將最詳細口供同資料都交咗俾警方，所以有啲Detail唔方便講，我相信警察會處理。」

馬賽續道:「條片唔係我拍嘅，我亦都從來冇呢條片copy，我諗警方會幫我追查到條片係點樣嚟。」但拍片嗰個是誰？佢就話:「咁佢當然係我曾經非常親密嘅一個人，咁呀……好似我聲明入面講，其實……曾經好麻木咁信任一個人，同埋我相信好多人喺愛情中都係好麻木，但其實我想講番係，希望經過呢件事之後，所有女仔識得保護自己，即係無論你其實……其實係有好多可以引以為鑑嘅例子，但當你好投入一段感情，好愛一個人嘅時候，你會覺得呢啲事情永遠唔會發生喺自己身上，你會覺得對方會保護你，我依家知道只有自己先至可以保護自己，所以女仔千祈唔好影啲相或者片。」

除咗0依家流出嘅片同相之外，是否仲拍咗其他？馬賽謂:「其實我真係唔知，咁……但係……無論係再有啲乜嘢情況，我知道自己都要好堅強去面對。係好難嘅……。」

追問佢再影過啲乜？馬賽表示:「應該仲有，應該仲有……其實都係我好私人嘅嘢，請允許我唔答呢個問題，但係我唔知……我知道咩人有嘅，我自己係冇呢啲，我亦都唔知係咪有傳媒已經有咗相或者片，我0依家可以做嘅就係平伏自己嘅心情。」

馬賽又以私密為由，拒透露更多。

[img]http://static.apple.nextmedia.com/images/e-paper/20140724/large/1406200401_2fd9.jpg[/img]

[img]http://static.apple.nextmedia.com/images/e-paper/20140724/large/1406200408_e636.jpg[/img]

[img]http://static.apple.nextmedia.com/images/e-paper/20140724/large/1406200415_4af1.jpg[/img]
又話唔知係咪有傳媒已經有咗相或者片。

[img]http://static.apple.nextmedia.com/images/e-paper/20140724/large/1406200421_5303.jpg[/img]

[img]http://static.apple.nextmedia.com/images/e-paper/20140724/large/1406200425_7c00.jpg[/img]

[img]http://static.apple.nextmedia.com/images/e-paper/20140724/large/1406200440_f4f4.jpg[/img]