星二代痾唔出　眾星齊話：「好擔心」

[youtube]jsMzXDOl6AM[/youtube]

相信有不少父母都曾經擔心過自己的孩子出現便秘問題。

日前，一眾星媽分別有李嘉欣、陳慧琳、馬詩慧、郭錦恩等都表示曾擔心過自己的孩子出現便秘問題。育有3名子女的名媛馬詩慧分享自己的心得，表示：「我個仔細個食粥時，我會加入碎菜或紅蘿蔔，不過有一段時間佢係唔知點解會便秘。」

陳慧琳（Kelly）表示有紀錄仔仔的大便狀況：「仔仔嘅便便係咩形狀要寫低，我有紀錄低，大便唔係乾，濕潤一點就算係正常。」

郭錦恩就分享一個解便秘的方法：「我好深刻記我個女仲係戒尿片時，有三四日去唔到廁所，只係識喊，摸佢個肚硬到不得了，最後我自己幫佢挑出嚟。」

其實坊間亦有唔少偏方，例如：「在手指上塗植物油，喺肛門周圍輕輕按摩；用棉棒浸油插入肛門2-3分鐘等。」以上偏方都是未經醫生證實的方法，有問題還請立刻求診。李家仁醫生就表示：「沖調奶粉份量唔啱，奶粉沖唔匀，都有機會令BB難消化；肛門狹窄，排便困難，攝取過多的蛋白質亦都會容易引起便秘。」除了以上問題，李醫生更表示：「嬰兒期間，每當轉換奶粉品牌時亦有機會出現便秘的情況，不過係好正常，唔駛太擔心。」


[img]http://static.apple.nextmedia.com/images/apple-photos/video/20140326/org/1395778401_f9bc.jpg[/img]


來源:蘋果日報網站