2014-3-7 13:08
sinta
朗尼孭飛未夠班
上季玩完馬後炮，今季就做預言家，同大家一齊睇吓嚟緊周末有咩好睇。今周傾咩：朗尼值超高人工？
最近睇討論區或者面書，打工仔抱怨工作不如意，受上司無理指罵，或者被客戶苛索，總會有人回應：「呢啲係人工包埋。」朗尼（圖）以天價30萬鎊周薪續約，當然亦都唔會事事如意，好似朗尼仍然要忍受莫耶斯嘅無能領導，身邊就有好似韋碧克、湯卡華利等腦殘隊友等等。
誠如前曼聯隊長加利尼維利所言，人工冇高低，一切由市場決定；今日既高薪，可能3、4年後不值一晒。但既然由市場決定，曼聯當然深信朗尼為球隊帶嚟嘅價值，一個星期絕對唔止30萬鎊；其實球員拎到超級高薪，已經唔再單靠球場內表現，曼聯亦都準備好，朗尼退休後安排佢轉任球會大使，算得上物盡其用。講開高薪養球員，皇馬叫得第2，曼聯未必敢認第一，不過皇馬唔係儍仔，一個肖像權，由費高、碧咸到C朗，都夠賺突有餘。
朗尼續約後同C朗人工不相伯仲，但平心而論，場外價值仍然比唔上C朗；單講樣貌已經高低立見，C朗型仔Look吸引唔少廣告商，但朗尼出到英國以外，叫座力就大減。講形象，C朗以前就真係爛滾，但過檔皇馬後開始洗底，做完老竇後，同俄羅斯模特兒艾琳娜感情又穩定；朗尼原本同初戀女友高蓮結婚，顯示長情一面，但仍然不時傳出召妓醜聞。老婆高蓮拍埋去艾琳娜，已經輸一條街，加埋衣着品味奇差，豹紋泳裝等成為笑柄，都令佢失唔少分。所以如果曼聯想將朗尼，打造成新一代球會代言人，坦白講，小弟覺得唔夠班囉。
[img]http://static.apple.nextmedia.com/images/apple-photos/apple/20140307/large/aa0404a.jpg[/img]
來源:蘋果日報網站