亞視癡漢陳啟泰：沒有死心只有痛心

現年49歲的「亞視癡漢」陳啟泰（Ken）9月離巢，回復自由身的他正好迎上新電視時代，曾主持《百萬富翁》節目為亞視創高峯，可惜人走茶涼，亞視網頁馬上將他除名，以為陳啟泰對亞視死心了，他卻依然說未死心，仍視亞視為娘家，並自我解嘲說：「唔會死心，張相唔係好靚。」對亞視這個被港人唾棄的電視台，經歷過高低起跌的Ken黯然說：「幾痛心！」

電視圈風雲變色，王維基攞唔到免費電視牌照、無綫仍一台獨大、亞視積弱苟延殘喘，陳啟泰雖有心留低，惟傾約時亞視不確定會否製作新節目，Ken順勢變為自由身，他前日接受本報專訪時說：「5、6年前已想自由身做，但時機唔成熟，我係保守嘅人，每月要見到出糧有錢至開心，所以要等23年後至夠膽做呢樣嘢。」
在Ken踏出第一步的個多月前，政府宣佈增發兩個免費電視牌，更是他一大喜訊，是否等自由身等了很多年？Ken笑言：「等咗49年啦！香港係奇怪社會，台灣有幾十至一百個台，香港只得兩個免費台、兩個收費電視。」但他認同政府經過佳藝電視慘劇應審慎發牌：「我唔係唔支持王維基劇，但計全面性，有線超過20年經驗，有廠房有新聞部資訊旅遊，now雖然唔夠10年，但李生實力雄厚。」

[b]跳槽有線鮑姐喊[/b]
在亞視11年，陳啟泰做過無人不識的《百萬富翁》，拍過《我和殭屍有個約會》系列劇集，後來亞視近乎零製作，是否很難受？Ken說：「話亞視收視低，邊個最唔開心？係鮑起靜最唔開心，跟住係陳啟泰，因為呢啲人做得最耐，老細只喺亞視3、4年，佢未去過廣播道總台。好記得鮑姐攞金像獎女主角，喺後台一推門入嚟話：『亞視嘅crew喺邊？』你點可以搵到咁忠心嘅老臣子，呢樣對我哋做得耐嘅人係幾痛心，亞視成績唔好，第一矛頭唔係指向幕後、老細，係指住鮑姐、陳啟泰，但我深信亞視可以做好啲嘅嘢，始終亞視係我娘家。」是否因為換老細次數太多？Ken哈哈笑：「係未換啱啫！都曾經有小陽春，《百萬富翁》時係封小平，唔係話王征唔勁，《感動香港》係佢諗出嚟，但另一啲可能唔係咁啱香港人。」

[img]http://static.apple.nextmedia.com/images/apple-photos/apple/20131205/large/05ec1p1.jpg[/img]
■對亞視癡心一片的陳啟泰表示不會對亞視死心，只是感到痛心，希望未來亞視能有一番作為

[img]http://static.apple.nextmedia.com/images/apple-photos/apple/20131205/large/05ec1p4.jpg[/img]
■亞視收視低，陳啟泰坦言最不開心是鮑起靜，其次就是自己。資料圖片

[img]http://static.apple.nextmedia.com/images/apple-photos/apple/20131205/large/05ec1p201.jpg[/img]
■陳啟泰曾被借往有線，還訪問過周秀娜。
資料圖片

09年亞視破天荒將Ken借到有線做節目，至今仍令他耿耿於懷，Ken坦言：「嗰時台灣老闆縮減製作，首當其衝係我、朱慧珊呢啲最貴藝員，鮑姐聽到我話過有線，佢就喊住話：『點解會咁？』服裝阿姐大眼紅住眼話：『呢個櫃留番畀你第時返嚟。』好多亞視人有情有義，開多兩個免費台對亞視好，觀眾唔鍾意睇有多兩個選擇，畀亞視無形壓力。」

[img]http://static.apple.nextmedia.com/images/apple-photos/apple/20131205/large/05ec1p2.jpg[/img]
■陳啟泰彈無綫製作沒進步，20年如一日。

[b]指收到風轉老細[/b]
Ken約滿不久，亞視網頁很快將他除名，可對亞視死心？Ken笑言：「唔會，張相唔係好靚。」對亞視常被當笑話，Ken自然笑不出：「我笑唔出亦唔會笑，有次百萬行起步，亞視隊伍行出嚟，有啲阿叔講粗口，我哋控制唔到轉老細，但可參與節目創作，只要配合到香港人就得。」不少人望亞視執笠，Ken直言：「直接畀壓力亞視係好，等佢發憤續到牌，之前傳換老細，我都聽到啲風，應有好消息。

Ken也曾做過無綫，對於無綫製作，他批評說：「中台日韓都用單機實景拍攝，就算王維基都係，無綫依然三機係對觀眾唔公平，但我唔怪佢，因為有人睇嘛！我冇怪過啲劇同以前一樣，唔係，應該仲差過，記得之前嘅《神鎗狙擊》，有周海媚、張兆輝，都係我年代嘅，回帶去20年前又係呢啲做主角喎，又係呢啲橋，唔同係穿崩多咗，電視機清咗，佢兩個老咗少少，不過我哋幕後睇就唔舒服，冇進步。」

來源:蘋果日報網站