吳剛涉金錢糾紛　傳破產

昔日在慈善節目中食炭飲滾油而成功出位的吳剛，十多年前轉戰商界，包括在香港和內地進軍飲食業等等。不過，前晚有讀者向本報報料，指原名吳信義的吳剛去年捲入破產疑雲，讀者還提供了高等法院的相關資料。
記者致電吳剛，至昨日上午終獲他回覆，吳剛聲稱身在內地，對於捲入破產疑雲，吳剛全程支吾以對說：「有啲合約糾紛，因為大家有啲拗撬嘅嘢，於是乎大家有拗撬訴訟嘅嘢。」記者再三追問，吳剛依然同一答案，並如人肉錄音機般重複十多次說：「我講番其實係有一啲合約糾紛，有咁嘅拗撬，而出現咁嘅訴訟，但時間係乜嘢呢，呢分鐘我唔能夠好準確肯定到……我呢邊有請律師訴訟緊，自己有律師會提出抗辯。我律師覺得對我唔公平、唔合理，咪提出抗辯，𠵱家訴訟緊。」

[img]http://static.apple.nextmedia.com/images/apple-photos/apple/20131204/large/04ec2p4r.jpg[/img]
■除食炭、飲滾油外，吳剛還試過在慈善節目中吞火。資料圖片

[img]http://static.apple.nextmedia.com/images/apple-photos/apple/20131204/large/04ec2p3r.jpg[/img]
■吳剛離開幕前轉戰商界，年前還在香港進軍飲食業。資料圖片

[b]「對我唔公平」[/b]
究竟涉及甚麼生意？吳剛說：「涉及金融生意，因為我律師覺得對我係唔公平、唔合理，於是提出訴訟。」記者指他這個答案已重複多次，吳剛繼續說：「呢分鐘我只能講咁多，因為律師同我睇過晒，覺得對我唔公平……𠵱家交晒畀律師去搞。」有關事件有否對生活構成影響？吳剛說：「對我就係以後同人簽合約，一定要一千個小心，要特別小心囉，呢個係最緊要嘅事，所有合約係要萬分小心，一定要請律師同你去睇同你去follow去跟進，不能疏忽，呢個係好大學問。」


來源:蘋果日報網站