2013-12-4 13:30
sinta
家輝激啜最索變性人 咬唇脷疊脷？
張家輝最近跟泰國最靚變性人Poyd合作陳木勝電影《掃毒》，家輝為該片豁出去，跟Poyd有一場長達十秒的激咀戲，鏡頭前家輝施展渾身解數，啜得異常落力！難怪他囉囉攣，回家要觀賞AV確定性取向，而老婆關詠荷得知後自言「火都嚟」！
在電影《掃毒》中，張家輝跟來自泰國、曾贏得變性人選美冠軍的Poyd飾演夫妻，早前他們一輯雜誌掩胸照，引起坊間極大迴響，家輝曾大讚Poyd靚過不少當紅女星。近日二人戲中的激咀片段曝光，當日於泰國郊區取景，從片段中看到導演叫「camera」時，家輝即肉緊地捉着Poyd吸啜達十秒之久，拍攝完成，Poyd含羞答答地掩嘴行開後，敵不過心理關口的家輝則匆匆以水漱口。
[b]「會伸脷過嚟」[/b]
家輝昨接受電話訪問時坦言，起初知道要跟變性人做夫妻，確有心理障礙，後來他見到Poyd真人後，覺得對方很美，他說：「冇諗到變性人可以咁靚，不過導演通知我要拍咀戲，仲要求拍得真實，唔好掂吓就算，為咗部戲，我都豁出去！」
拍攝當日，家輝用潄口水清潔口腔，埋位前他主動跟Poyd說：「等陣拍攝時，我可能會伸脷過嚟，你要有心理準備。」但結果家輝沒有真的伸出舌頭，昨日家輝哈哈笑說：「我嚇吓佢啫！點會咁做，但都咀得好激啦！咀完心裏有個疑問，男人嘴唇係咪硬啲呢？口水係咪『杰』啲呢？」問到拍完會否愛上這位變性人？他說：「我對同性戀者或變性人都好尊重，Poyd雖然靚同nice，但感情係另一回事，我唔會連工作同私人感情都分唔開！」問到老婆關詠荷有否介意？他大笑說：「我拍完先敢同老婆講，佢一聽到梗係火都嚟，話最好以後唔好，佢知我有分寸，當然我都要尊重老婆，以後都唔會再拍啦！」
[img]http://static.apple.nextmedia.com/images/apple-photos/apple/20131204/large/04ec1p1.jpg[/img]
【肉緊攬啜】
■張家輝與泰國變性人Poyd早前於泰國拍攝電影《掃毒》，二人肉緊攬啜，相當投入。
[img]http://static.apple.nextmedia.com/images/apple-photos/apple/20131204/large/04ec1p2.jpg[/img]
【咀到面凹】
■家輝咀到面都凹，Poyd則施展迷魂鎖。
[img]http://static.apple.nextmedia.com/images/apple-photos/apple/20131204/large/04ec1p3.jpg[/img]
【梳乎張口】
■激啜完後，家輝一臉梳乎，Poyd則含羞答答。
[img]http://static.apple.nextmedia.com/images/apple-photos/apple/20131204/large/04ec1p4.jpg[/img]
【事後清潔】
■Poyd甫轉身離場，家輝即飲水漱口。
[b]事前掙扎一周[/b]
另外，《掃》片前晚在圓方舉行首映，家輝、羅蘭及導演陳木勝出席，而錢國偉、鄭少秋及鍾鎮濤等撐場。對於片中變性人Poyd未有到場，家輝說：「唔係我安排，佢嚟到我都好開心。」由於現時泰國局勢緊張，家輝搞笑說：「冇問候，佢都唔係善男信女，我意思係佢好安全，唔會喺街流連。」談到與Poyd的激吻戲，家輝坦言事前掙扎了一星期：「知道佢底蘊，尊重佢界別，但始終人係感情動物。我尊重佢，所以徹底拍呢套戲，心中畢竟會有衝激，我冇攞番出嚟講，費事好似好嫌棄人哋嘅界別。之後我都有睇AV，清晰番我嘅取向。」而關詠荷沒有捧場，未知是否怕看到激吻戲，家輝坦言日前他與Poyd為雜誌影的親密照出街時，他剛巧不在港。
[img]http://static.apple.nextmedia.com/images/apple-photos/apple/20131204/large/04ec1p6.jpg[/img]
■Poyd被喻為泰國最靚變性人，確實令人眼前一亮！
[img]http://static.apple.nextmedia.com/images/apple-photos/apple/20131204/large/04ec1p5.jpg[/img]
■家輝前晚出席首映時，眾人為他慶生。
前日剛好是家輝的49歲牛一，現場為他慶祝生日，又一齊唱生日歌，楊受成更突然現身與他擁抱。至於羅蘭就祝家輝日日都靚仔，二人更溫馨錫面。《掃》片明日在港公映，早四日上畫的內地票房目前已近一億人民幣。
來源:蘋果日報網站