洪朝豐中風左面麻痺　留院五日

早年患上抑鬱狂躁症的54歲洪朝豐，繼今年7月到泰國曼谷法身寺短期出家後，今年10月再到法身寺作為期半年的出家修行，豈料期間他不幸中風，導致左邊面麻痹，要在當地留院五日，雖然醫生診治後，他已經康復，但為免再有第二次，洪朝豐仍要繼續服藥治療。
洪朝豐昨日接受本報記者訪問時說：「三個星期前我曾經中風，當時我搭車去另一道場中途，發覺左邊面麻痹，懷疑自己中風，事關過去兩年以嚟我都係高血壓，有食高血壓藥。法師佢哋送咗我去醫院做腦掃描，醫生話我中風，個腦某部份有條好細嘅血管塞咗，吊咗五日鹽水。醫生話我好彩，如果塞咗條大血管，就會影響身體活動能力，醫生話今次係輕微中風，以後翻發機會比其他人多，所以要我繼續食阿士匹靈、血壓藥同降膽固醇藥。」

[img]http://static.apple.nextmedia.com/images/apple-photos/apple/20131203/small/03ec3p12a.jpg[/img]
■今年7月，洪朝豐（前）曾在泰國削髮剃眉短期出家。互聯網圖片

[img]http://static.apple.nextmedia.com/images/apple-photos/apple/20131203/small/03ec3p11a.jpg[/img]
■洪朝豐（右）上月15日在泰國中風出院後返回寺院，並跟來自新加坡的法師合照留念。互聯網圖片

[b]傳洪羅拔肝病[/b]
洪朝豐表示留院五日後，翌日便返香港，之後再到聯合醫院作身體檢查，他笑說：「聽起上嚟中風係好驚，但小中風對我嚟講都係好事，令我有所警惕、更加注意健康。」連計要食治療抑鬱狂躁症的藥，豈非要服用大量藥物？洪朝豐笑說：「冇法子，病吖嘛，咪要食藥囉！有藥食都好彩，好過個病去到冇藥食等死吖！」
另一方面，昨日有讀者報料指曾拍過電影《黑社會》的資深藝人洪羅拔肝部出現問題，記者昨致電求證，洪羅拔說：「我只係之前身體有啲唔舒服，𠵱家冇事，只係胃痛，𠵱家我老虎都打死幾隻，大家唔使擔心！」


[img]http://static.apple.nextmedia.com/images/apple-photos/apple/20131203/small/03ec3p13a.jpg[/img]
■洪羅拔（右）近年已甚少出席公開活動。
資料圖片

[img]http://static.apple.nextmedia.com/images/apple-photos/apple/20131203/small/03ec3p14a.jpg[/img]
■洪羅拔表示身體已無礙，並叫大家不用擔心。
《壹週刊》圖片


來源:蘋果日報網站