子華新劇救收視　網民矛盾大對決

無綫46周年台慶遇上發牌風波，收視創十多年新低，連最近兩套台慶劇都被專業人士鬧爆失實，被網民批評製作事事旦旦。無綫為挽狂瀾作絕地反擊，下周一推出由「男神」黃子華主演的新劇《My盛Lady》，有網友發帖指是「矛盾對決」，子華新劇vs罷睇無綫，不知如何選擇？子華昨日在電話中力撐發牌，但笑言新劇收視有40點便跪回家。

近年無綫劇大不如前，早前有醫生、律師、警察等專業人士力數無綫劇沒做足功課，令劇情太多犯駁位。兩套台慶劇《On Call36小時II》和《法外風雲》上周平均收視分別有26點（約167萬觀眾）和27點（約173萬觀眾），似難過30大關；一年一度的《萬千星輝賀台慶》也被陳百祥（阿叻）一句「跪地跪返屋企」拖累，不少人響應熄電視行動，令收視創十多年新低，平均只有29點（約186萬觀眾）。

[b]子華：網開一面[/b]
無綫為挽聲威，惟有出動最強武器，找來闊別4年後回巢拍劇的黃子華出戰，下周一緊接《法外風雲》推出《My盛Lady》。一直以來子華是劇迷心目中的「救星」，主演過的無綫劇《男親女愛》、《棟篤神探》和《絕代商驕》等全部有收視有口碑。難怪有網民昨日在討論區發帖，直言這是一場「矛盾對決」，子華新劇vs罷睇無綫，不知如何選擇？網友酶酶說：「鍾意都唔睇咁矛盾？咪即係同人講自己係盲反！反TVB都係質素問題，我從來唔懷疑黃子華嘅質素，𠵱家係TVB請子華嚟救駕炸（咋）。」但也有網友Patrick Lee謂：「大是大非面前，睇少次都要。」又有網友建議逢廣告時段關機。近日網上流出約三分鐘《My》劇片花，當中有「剩女」徐子珊、細細粒陳嘉佳和王君馨顯露騎呢個性，子華則一貫又賤又無賴作風。

[img]http://static.apple.nextmedia.com/images/apple-photos/apple/20131121/small/21ec1p2.jpg[/img]
■子華擅演無賴角色，今趟也不例外，與徐子珊飾演歡喜冤家。劇照

[img]http://static.apple.nextmedia.com/images/apple-photos/apple/20131121/small/21ec1p1.jpg[/img]
■無綫下周一推出黃子華主演的劇集《My盛Lady》救亡，未知能否一洗頹氣。資料圖片

[img]http://static.apple.nextmedia.com/images/apple-photos/apple/20131121/small/21ec1p3.jpg[/img]
■劇中子華以「安全兔」造型亮相，非常抵死。
劇照

對於這場「矛盾對決」，子華昨日在電話笑說：「我都睇到，有人仲唉……如果咁做（開電視）就大義滅親，好似當我好重要。」有傳《My》劇原定明年推出，如今被挑選打這場硬仗，是否回朝救駕？他說：「唔係，我都算夠運，忽然嚟到呢個風雲色變嘅時候。我當然希望觀眾睇得開心，全組人畀足百分之二千（心機），如果大家可以網開一面咪……哈哈哈。」對於被網友封為「男神」，子華說：「搞到希臘神話咁，其實我膽細，一百個人讚我，但一個人叫我『收皮』，我都淨係記得呢個，所以希望大家錫住我。」

[b]力撐發牌給港視[/b]
問對收視有沒有信心？子華笑說：「唔知邊日同人講，如果有40點我就跪返屋企，講笑啫，搬去將軍澳住啦！講真我唔理點數，我心態係鋪鋪清，要純贏點數我就拍續集啦，就係想畀觀眾新鮮感。」雖然幫無綫拍劇，但子華仍撐港視發牌：「諗唔到乜原因唔贊成，等如我做棟篤笑，當然希望只有我一個人做，對我嚟講好合理；但如果對整個社會嚟講，梗係越多人做棟篤笑越好，大家聽到唔同聲音，但係咪競爭搞到啲笑話低落咗呢？我唔識點去解釋呢個邏輯嘞！」


[img]http://static.apple.nextmedia.com/images/apple-photos/apple/20131121/small/21ec1p4.jpg[/img]
■視帝黎耀祥（右）和陳豪合作的無綫劇《法外風雲》，被大律師力數犯駁位多。劇照

[img]http://static.apple.nextmedia.com/images/apple-photos/apple/20131121/small/21ec2p8.jpg[/img]
■巿民司徒先生坦言會為子華開電視。

對阿叻揚言2、3點跪回家，子華直言盤口開得太低，他說：「證明有人鍾意睇無綫，唔係我去亞視啦！」而他也選擇性看台慶：「我份人好偏心，子珊同祥仔（阮兆祥）同我拍劇就睇一睇，其他就分心啲。」昨日街訪中，不少市民撐子華，司徒先生說：「由細到大鍾意佢，希望今次劇本好睇，會為佢開電視。」但也有人唱反調，顧小姐說：「冇必要睇啲翻炒又翻炒嘅劇。」


來源:蘋果日報網站