阿叻「跪回家」路線圖

將軍澳去九龍塘其實可以很快。搭港鐵，話咁快就到，最快當然搭的士喇！但有冇諗過如果行要幾耐？又如果跪行呢？

最近叻哥就講過如果今年台慶收視得兩、三點嘅話，就會「跪回家」。前日佢仲話：「我成日覺得，香港係福地，只要大家開開心心，正能量就嚟啦，想開心呢，台慶就開電視，睇下個收視上定落囉。如果2、3點我就梗唔信啦...唔止跪返去，死咗佢添。(玩得再大啲？)再大啲，橫掂都係啦，唔死都冇用啦，表演得2、3點。」叻哥，我哋點捨得你咁辛苦呀…不過如果咁啱收視真係得2、3點，數是要找數的！

根據Google Map，步行呢，就入唔到隧道、上唔到高速，最安全都係由TVB直出環保大道，再由寶琳經安達臣道出清水灣道就會到彩虹，之後直走太子道東及界限街，最後兜入九龍塘，過埋火車軌，就到達叻哥位於九龍塘又一村玉蘭路嘅屋企喇。步行嘅話，Google話要4粒幾鐘。不過依家係跪行，加中途休息吓，時間起碼係4倍喇，同跑程全馬有得揮喎！又之不過…全程成19幾公里，當然有好多嘢要準備定喇。

[img]http://static.apple.nextmedia.com/images/apple-photos/video/20131115/org/1384458743_59f5.jpg[/img]


來源:蘋果日報網站