撼澎湃高寧　「平」民沈大師撐馬賽

徐淑敏、高海寧與沈卓盈昨日在奧海城出席聖誕活動，高海寧以喱士裙透巨咪，與瘦到有少許離罩的沈卓盈成大對比。

[b]「錫錫最好喺屋企」[/b]
自言拍完無綫月曆後喼弗的沈卓盈，有請教徐淑敏豐胸方法，問到男友有否投訴上圍縮水？她說：「冇，腰同大腿瘦咗，腰24吋。」少加胸墊？她說：「今日係開心主題，唔使去到咁盡，台慶都唔一定性感。」台慶會否代替遭雪藏的好友馬賽，以及馬賽是否四角攣？她說：「少講感情事，最緊要佢開心。」
沈卓盈謂很難避偷拍，自己未試過與男友在街頭接吻：「得拖手普通嘢，錫錫最好喺屋企。」相信馬賽與TB拍拖？她說：「揀乜都支持。」對於黃耀明提議馬賽向平機會投訴遭雪藏，她說由馬賽決定。
高海寧表示聖誕要開劇兼接騷，努力賺錢儲首期，望今年26歲首次置業，但就買不起價值千萬的三房單位，她說：「兩房都可以，700萬內，其實有首期，未儲齊稅，樓價跌少少就OK。」

[img]http://static.apple.nextmedia.com/images/apple-photos/apple/20131111/small/11ee5p1.jpg[/img]
■高海寧不介意性感出騷，但不想被定位做花瓶。

[img]http://static.apple.nextmedia.com/images/apple-photos/apple/20131111/small/11ee5p2.jpg[/img]
■沈卓盈未有聯絡馬賽，又謂從不過問好友感情事。

[img]http://static.apple.nextmedia.com/images/apple-photos/apple/20131111/small/11ee5p4.jpg[/img]
■徐淑敏撐好姊妹沈卓盈上圍不變。

[b]徐淑敏努力追仔[/b]
徐淑敏則於聖誕到美國旅行半個月，並到馬爾代夫慶祝本周五結婚四周年，老公將送四卡鑽石，明年送五卡，她說：「想拎咗先，出年唔知乜事，但想佢儲錢。」旅行造人？她說：「造緊，想要仔。」她任黃淑儀《吾淑吾食》嘉賓，對節目被指接棒硬銷產品，她說：「有廣告公司會賺，多方式，放喺鏡頭前OK，我做生意最怕硬銷。」May姐馮美基被插落雞汁是否無辜？她說：「發洩對象，香港人太鍾意睇電視。」


來源:蘋果日報網站