爆廿幾年冇行房　白姐姐狂呻唔算夫妻

現年69歲的白韻琹和54歲的立法會議員謝偉俊（Paul）由拍拖至結婚，相對20多年，年紀雖相差大截，但依然是外間人眼中一對璧人，最近有傳婚變，昨晚白姐姐錄影節目時坦言20多年沒行房，現在沒人錫她、攬她、咀她。另外，白姐姐昨日接受本報專訪時坦言她曾多次提出離婚，但要待老公執行。而Paul前晚被問到兩夫婦可有偈傾，他直言：「今日冇傾偈。」難道兩人婚姻已走到盡頭？

白韻琹和老公謝偉俊傳出婚變，鬧得全城熱烘烘，昨晚白韻琹在柴灣接受梁思浩《娛樂審死官》訪問時，也直接被問到離婚一事，白姐姐說：「𠵱家同佢唔算夫妻，有名無實，起碼二十幾年冇行房啦！冇人錫我、攬我、咀我！」白姐姐謂當然同Paul曾有性，但不願多談：「一次都冇又點會同佢結婚，我唔係白癡！」她又透露Paul盛怒時會打她，但她也有還手，可算是耍花槍。問到她20多個物業是屬誰人名下，白姐姐坦言：「唔知，律師樓處理，我冇問。」
此外，白韻琹昨午在其銅鑼灣區議員辦事處接受訪問，談到近日有傳她與謝偉俊婚變，白姐姐說：「其實我都想，廿幾年前嘅話，𠵱家冇乜必要，你要問阿Paul，或者佢好想都唔定。」不開心時會否提離婚？她說：「會！」最近提出過？她說：「不如你問我提出幾多次，我提嘅次數唔多，但只提冇用，要行動，但行動上我做唔到。」再問最近提過離婚嗎？白姐姐想了想道：「唔答，你問話事人（指阿Paul），我話唔到事，因我唔係律師。」對於阿Paul否認婚變，並強調沒第三者，白姐姐聞言說：「咁就最好啦！」

[img]http://static.apple.nextmedia.com/images/apple-photos/apple/20131106/large/06ec1p1.jpg[/img]
■69歲的白韻琹昨午受訪時，以一身Miffy外套亮相，大方承認曾提出離婚。

[img]http://static.apple.nextmedia.com/images/apple-photos/apple/20131106/large/06ec1p100.jpg[/img]
■白韻琹昨晚被梁思浩等主持逼供，承認自己跟謝偉俊廿多年沒行房。


[b]「佢做老公唔及格」[/b]
談到現時關係，白姐姐直認與謝偉俊仍同住，法律上仍是夫妻，但有名無實，白姐姐強調：「要解決嘅問題唔喺我度，每個女仔鍾意人錫同愛，關心佢嘅面子同身體需要，我係正常女人，要tender love and care，無論朋友、丈夫都要相愛照顧，夫妻間最基本要求達得到至算係平淡而美滿關係。」白姐姐曾在facebook貼過謝偉俊名下買豪宅認購樓意願登記收據，疑似暗指他偷偷買樓而被指因財失義，白姐姐對此稱買樓是她本人，但二人金錢上的問題很複雜，未能三言兩語可解答得到。

昔日擅長聽人盡訴心中情，刻下自己遇到問題，白姐姐如何解決？她笑言：「我好少訴出嚟，無語問蒼天，或者提出我意見囉，𠵱家唔提，提出都冇用。」二人可有嗌交？白姐姐說：「我俾人鬧嘅啫，喺任何世界水準下，佢做老公都唔及格，畀時間佢改？我畀咗廿幾年時間喇！係我錯，有乜理由畀廿幾年佢！」
是否處於冷戰期？白姐姐坦言：「我邊有資格同佢冷戰，只有俾佢鬧嘅時候。我完全唔花心，唔係話佢有冇女友就係花心，做人公唔公平，我可以話我真心、誠心誠意奉獻對人，但人點對我？我只望有公平回報。一棵樹種廿幾年要掹開係咪好難？尤其我呢棵樹已經爛，仲有乜展望吖？」

[img]http://static.apple.nextmedia.com/images/apple-photos/apple/20131106/large/06ec1p2.jpg[/img]
■年齡雖相差十五載，但白韻琹和謝偉俊不時在人前表現恩愛。資料圖片

[img]http://static.apple.nextmedia.com/images/apple-photos/apple/20131106/large/06ec1p5.jpg[/img]
■白韻琹與謝偉俊言行均大膽，志趣相投。
《忽然1周》圖片

[img]http://static.apple.nextmedia.com/images/apple-photos/apple/20131106/large/06ec1p6.jpg[/img]
■00年謝偉俊以出位超人裝為參選立法會補選拉票，白姐姐落力撐場。

來源:蘋果日報網站