2013-10-30 14:56
sinta
千嬅親述泵人奶 公眾場所都要餵
丁生丁太，加埋Torres，一家樂也融融。前晚丁生喺《最佳女主角》玩愛的表白，同老婆講「我愛你」。仲有，就係明示千嬅快啲追多個B陪Torres。
除此之外，丁生仲好多謝老婆呀！因為千嬅一直以嚟都係用人奶餵B，丁生問返好多朋友，真係好難。丁生就話：「尤其係For你一個又咁忙，又要兼顧咁多嘢，有時見你做嘢，同家人飲茶，你又攞住個泵，公眾場所攞住自己啲奶畀Torres飲，呢樣嘢好欣賞。」呢個時候千嬅已經聽到有少少眼濕濕。
之後芷珊就問，作為一個藝人，出街要餵人奶又點算呢？千嬅就答：「我會泵，用泵泵出嚟，可以儲起佢，出去嗰時餵，去朋友屋企就入間房泵。」聽落好似好癲，但千嬅就覺得好奇妙，因為千嬅放咗餵奶呢樣嘢係心，將做嘢嘅意志擺喺家庭。千嬅仲話已經將餵奶當成一種任務：「餵人奶唔係純為BB，當係一個Target set最受歡迎女歌星，一定要餵到為止！一日要七餐就餵足七餐，我點樣泵都要泵到夠為止，最多我唔瞓，半夜三點起身，我有決定咁做，要做到為止！」母愛真係巧巧偉大呀！
[img]http://static.apple.nextmedia.com/images/apple-photos/video/20131030/org/1383077424_34b2.jpg[/img]
來源:蘋果日報網站