2013-8-30 12:29
sinta
霍家金叵羅曝光 啟剛：似晶晶多過我
跳水皇后郭晶晶為霍英東長孫霍啟剛所生的囝囝，可愛容貌昨日終於曝光，正如爺爺霍震霆所言，大前日出世的剛晶B大隻、黑髮濃密、眼仔睩睩，小勾鼻更似足媽咪晶晶，一家三口的首張全家福更是由「最美麗嫲嫲」朱玲玲操刀，可謂別具意義。新手父親啟剛十分興奮，他透露晶晶有餵人奶，並謂：「樣似晶晶，性格似我。」他大讚B仔識揀日子，選定他兩年前向晶晶求婚的日子出世。
跳水皇后郭晶晶大前日為霍英東長孫霍啟剛誕下千億BB，霍家上下與最美麗嫲嫲朱玲玲連日奔波跑馬地養和醫院，探望剛晶B及照顧晶晶。榮升爹哋的霍啟剛昨日出席記者會分享心情，並發放了與晶晶及BB一家三口的全家福合照，照片更由朱玲玲親自操刀，別具意義。
照片中，三日大的霍家金叵羅在晶晶懷中望實媽咪，如爺爺霍震霆所言是大隻B一名，皮膚白裏透紅，眼仔睩睩，黑髮濃密，小勾鼻更似足媽咪晶晶，精靈可愛。郭晶晶則略施淡妝，顯得十分精神，可見運動員底子厚，恢復迅速，面形尖削，沒有因懷孕暴肥走樣，一直唔夠瞓的啟剛笑容燦爛，夫婦二人喜悅之情溢於言表。
[img]http://static.apple.nextmedia.com/images/apple-photos/apple/20130830/large/30ec1p1r.jpg[/img]
■霍啟剛和郭晶晶抱着可愛囝囝影全家福，照片由最美麗嫲嫲朱玲玲操刀拍攝，一家三口盡顯開心幸福之情。
[img]http://static.apple.nextmedia.com/images/apple-photos/apple/20130830/large/30ec1p3r.jpg[/img]
■啟剛昨在醫院開記者會，以iPad撮要發言重點，更大騷手上婚戒。
[b]「性格似我好奇心強」[/b]
霍啟剛昨在養和開記者會，吸引半百傳媒採訪，西裝骨骨的啟剛全程笑容滿面，他感謝傳媒及家人的祝福，他表示：「屋企人好開心，尤其係嫲嫲同公公，四代同堂特別高興，我父母、晶晶父母，大家都冇瞓過覺，緊張，多謝父母悉心照顧，自己未識照顧BB，大家都升咗一輩，不過BB健康最欣慰。」啟剛提到BB情況時笑言：「佢27號好早出世，重7.3磅，長50cm，醫生都話意料之外咁重，BB頭細身大，𠵱家好多例行檢查要做，要留多一、兩日，大家都問似邊個，媽咪（朱玲玲）就話BB似晶晶多過似我，BB每日睇都唔同，之前水腫，𠵱家消咗，自己就覺得動靜似我，可能樣似晶晶，性格似我，佢出世兩秒就周圍望，覺得佢好奇心強。」
啟剛表示第一眼看到BB便喊了出來，他說：「第一次抱BB都驚驚哋，BB好脆弱，有好多emotion！九個月開始等待（BB出世）有少少緊張，晶晶由懷孕一直冇講過辛苦，直至生嘅過程，先知媽咪好偉大，條路係啱啱開始，好多嘢要學。」啟剛表示晶晶有餵人奶，他說：「對BB同晶晶都好啲。」更笑言學政府呼籲，要生多幾個。
[b]碰巧求婚紀念日出世[/b]
提到BB的名字，啟剛說：「真係未改，我讀番書大，中文有限公司，希望夾出世時間去改，會問吓唔同人意見，爸爸有好多諗法，呢啲唔係迷信，嫲嫲話個名好重要，尤其呢個BB，影響四代。」啟剛透露晶晶康復進度快，他說：「佢係運動員，體質好，復原好快，冇發燒，冇壞反應，𠵱家休息緊，未知幾時出院。」啟剛表示有入產房陪伴晶晶，不過臍帶由醫生操刀剪，他亦順便澄清早前擇日開刀的報道，他說：「一直希望順產，所以冇揀日子，I believe in BB自己揀日子，入咗醫院24小時，BB可能瞓到好舒服，位置唔啱，個頭向上，正常向下，醫生建議開刀，唔使BB同媽咪咁辛苦，所以呢個時間係BB揀。」啟剛大讚BB日子揀得好，他說：「自己都唔記得，老婆提我，8月27日兩年前呢日，係我向佢求婚嘅日子。」
[img]http://static.apple.nextmedia.com/images/apple-photos/apple/20130830/large/30ec1p2r.jpg[/img]
■啟剛接受過百傳媒圍訪，滔滔不絕講BB經，全程笑容滿面。
[img]http://static.apple.nextmedia.com/images/apple-photos/apple/20130830/large/30ec1p4r.jpg[/img]
■朱玲玲昨日一早現身，帶齊攝影器材為啟剛、晶晶及孫仔影相。
[b]「媽咪一早嚟試光搵位」[/b]
啟剛透露一家三口的首張全家福由媽咪朱玲玲操刀，朱玲玲早上9時已由工人帶齊腳架器材到醫院，啟剛笑言：「第一張相好想邀請媽咪影，媽咪好有心，佢話自己唔影開人像，影開花花，所以怕醜同你哋講唔係佢影，佢一早嚟試光搵位，自己好滿意，好有意義。」此外，啟剛亦否認豪請五人陪月員，及一億教育基金，他說：「呢個係傳聞，冇要求面試，冇選過一隊人，我哋要求冇咁高，會親力親為夾眼緣，呢個係開心事，唔係錢嘅嘢，覺得BB健康最緊要，BB健康係最大禮物。」
來源:蘋果日報網站