《衝上雲霄II》首播　Chilam帶足全場

[img]http://static.apple.nextmedia.com/images/apple-photos/video/20130716/org/1373918534_f1be.jpg[/img]


《衝上雲霄II》角色唔同晒，但睇完第一集，大家總算可以收貨，節奏流暢得嚟，角色都交代得清楚，裡面仲有好多「gag位」添！

新角色顧夏陽(張智霖飾)，一出場就玩媾女，睇中飾演Model嘅朱璇，講起朱璇，佢一嚟就用索腿及露背幫大家醒醒神，有型嘅顧夏陽就畫咗張Portrait送俾佳人，話大家係同一班機，咁識女仔嘅方法，只係型仔機師嘅專利，盛男唔好亂咁學呀！

做正經事嘅時候，Chilam直頭金句多籮籮，又話自己「從來唔會遲到」、又對住馬國明等等嘅副機長講：「我鍾意最後一刻先出現，因為唔使對住你哋班廢物咁耐。」

而且呢個顧夏陽，或者叫「Cool魔」，擺明係風流倜儻feel，所以Chilam全程chok樣，當飛機要飛過雷雨雲帶時，佢仲從容唱歌。成功安全著陸，「Cool魔」又彈o左一句「人類就係因為有冒險精神先唔甘於0係地上走，要去天上飛...」連副機長之一嘅唐亦風(吳卓羲飾)都話「Cool魔」有語錄，又講多句「安全飛行係基本，識得享受過程先係最高手。」唔知個語錄之後係咪會陸續有嚟？

另一個亮點，就係「阿仙奴」。「Cool魔」問高志宏(馬國明飾)「鍾意邊隊球隊？」高志宏答：「阿仙奴」，就俾「Cool魔」寸爆佢話：「咁即係好似你咁，o係禁區傳來傳去，死都唔射。」其實佢當時係寸緊高志宏個簡報唔中point。

劇情尾段，阿仙奴主場波衫都有出場，仲係簽滿晒名添，又有一個著住阿仙奴波衫嘅外國人，賣咗件衫俾何年希(陳法拉飾)，但原來件衫係Sam哥吳鎮宇要先嘅，只係法拉使橫手奪人所好。

唔通編劇都係阿仙奴粉絲？


來源:蘋果日報網站

thanks for sharing!!!!