2012-5-15 11:54
wilson015
[轉貼]過山車右面的最後一排-我[危險]推薦
話說有個導遊帶一班團友去日本既富士吉玩(好似係叫呢個名)，其中一個團友一個人去，所以酒店分房果陣導遊就同呢個團友(叫阿Ａ)一個房，阿Ａ都好nice。入到房，個導遊周團睇下間房，拉開床頭櫃桶，發現一本打開左既聖經，佢不以為然，推番埋。跟住，導遊就同一班團友去遊樂場玩。夜晚返到酒店大傢都好累，就返房訓。晚上３點幾，導遊訓訓下想去洗手間，但見到阿Ａ唔係床上，洗手間門又關左，想住阿Ａ去緊，而自己又好累跟住就上床繼續訓。
到左第２日，導遊去洗手間果陣，發覺地上有Ｄ好似硫磺既粉。酒店近住山，佢以為係用黎防蛇之用，但酒店職員話佢知酒店係無蛇既，佢就覺得好奇怪。房裏面除左佢之後就剩番阿Ａ，唔通係阿Ａ留低既？？
第２日夜晚，導遊同阿Ａ都訓左，到左凌晨，導遊又見到阿Ａ唔係床上，而洗手間門係虛掩，見到有人係裏面，係靜靜地行近，將度門推開少少，見到阿Ａ左手拎住點著左紅色既拜神蠟燭，Ｄ蠋不停咁流落佢隻手度，而右手就拿住Ｄ香，不停放入口食。導遊呆左，知道阿Ａ咁既情況隻有兩個可能性。１係夢遊，２係撞邪。阿Ａ突然轉個頭黎望住佢，佢睇到阿Ａ隻眼好有神，如果係夢遊既，應該係無神既，咁佢就斷定左係可能性２－－撞邪。阿Ａ將隻左手既蠟蠋遞比導遊，示意叫導遊食。導遊唔敢鬱，望左阿Ａ一陣，跟住轉身，氣定神閒靜靜地返上床訓，扮無事。佢知佢唔可以將呢件事講比團友知，因為咁會驚親團友，影嚮自己係導遊界既聲譽，又會影嚮酒店。
第３日，導遊睇見阿Ａ好累，但並無將件事講佢知。跟住全部人都要走啦，去到車站，阿Ａ同導遊講，話佢要探親戚，唔跟團走佢自己走。
阿Ａ走番返去個遊樂將度，而個導遊靜靜跟住佢，睇下發生咩事。阿Ａ返去玩過山車，坐係最後一排右面個位度。而隔離坐左個女仔（唔識既)，上面係女仔既朋友。玩緊果陣時，過山車上面既人都係度嗌，但係當車停左，阿Ａ隔離個女仔仲係度嗌。原來玩過山車果陣，阿Ａ隻手跌左落個女仔既大比上，個女仔諗住叫阿Ａ放開隻手，點知見到阿Ａ個面完全貼住膊頭，碌大隻眼望住個女仔。（正常人塊面係唔可以完全貼住膊頭，隻有斷左頸骨既人－－死人）
－－－－－－－－－－－－－－－－－－－－－－－－－－－－－－－－－－
據說當時日本報紙都有報導呢件事，而阿Ａ既死因係過山車既衝力太大，導致頸骨折斷。導遊後來先發現事發當日係１１月５日，而酒店裏面本聖經打開既頁數係１１０５頁，＠＠不謀而合！所以導遊知道阿Ａ既死並唔係報紙講既咁簡單，但係咩原因．．佢無講到．．．．．．．．