見鬼

真實見鬼經歷, 100%真實, 如有吹水保佑我跳樓／**死﹗
發生時間︰約十年前, 當时大約是1995年
地點︰大埔廣場-大埔吉之島上的樓(有幾楝, 但邊楝就唔記得)

有一天, 當時是深夜, 那一晚我地成班同學上其中一位同學（假名）細b屋企, 地點是現今大埔廣場吉之島上的樓宇,邊一座就唔記得瞭, 他住的是最高果層。我地當時有幾個在細b屋企行出黎然後去佢屋企門口既走火通道, 即後樓梯, 當時記得有本人、X榮(是我地成班當時跟既黑社會大佬)、X焯等，我地三個上樓梯去到天臺的門前, 因為上瞭鎖所以我們3人便坐在門口外, 我地喺度吹下水咁, 過左一陣, 氣溫忽然下降同埋有陣寒風, 我地3人都冇理會繼續吹水, 我地3個忽然看見「一個」長頭髮, 著住白袍的「人」在我地面前「飄」過, 嘩，大傢想像呢個咁既場面（若果係堅料）係咪仲ｘ恐佈過日本、泰國既鬼片？我當時隻看見佢側面但被頭髮蓋過瞭(是很長頭髮的)看不到樣子, 佢冇理我地繼續「飄」落樓睇, 佢不轉彎直接飄入牆後便消失瞭, 佢好似是在通往天臺的鐵門透出來的, 佢的出處我不知道, 因為我看見的時候「他/她」已經是我面前飄緊,我地3個是一齊見到的, 呢位「人兄」消失後起碼過瞭成分鐘, ｘ焯先至敢話有鬼, 然後好勇的走落樓梯返細B屋企, 而我當時和ｘ榮均冇陏到繼續坐喺度, 我是因為已經嚇到腳仔軟同埋另一方面安慰自己咁諗．．覺得同ｘ榮一齊有「霸」氣存在．．其實我拗ｘ曬底腳仔軟曬．．
其實我睇ｘ榮頭佢冇走我便唔敢走瞭,至於佢驚唔驚就唔知, 而我就真係嚇x到**, 我佩服ｘ焯當時咁夠薑一個人落樓梯返細b屋企, 雖然隻是十零廿步程…後來我同ｘ榮一齊返細b屋企, 我地問起細b, 先知原來佢地楝樓發生過跳樓事件, 我地3個聽完不寒而慄, 也不敢追問咁多瞭。至於果位「人兄」是不是我地所見果個就不得而知瞭。這是我暫時唯一親身經歷的靈異事件, 記得當時我不是迷信之人直至經歷這件事之後我想法便徹底改寫, 在靈異上我是一個除非親眼看見否則不會相信的人