2012-5-15 11:21
wilson015
馬來西亞鬼食人慘劇
呢個故仔係我個朋友講返俾我聽0既。佢以前0係馬來西亞一個小村落住過，佢隔籬屋有一傢人，父母因為貪錢，所以迫個女嫁俾人做細老婆。但係個女仔一早有心上人，所以結婚前兩個決定私奔。個男仔0係車站等個女仔，等0左成日都唔見人，心諗：「佢一定係俾屋企人發現0左，唔俾佢出門口。唔得，我一定要返去救佢」
個男仔去到個女仔屋企，見到個女仔企0係門口度，眼定定咁望住地下，個男仔好嬲咁問佢：「我仲以為你俾屋企人禁錮，原來係你唔想走如果你而傢唔跟我走，咁我0地就算數」
個女仔一直耷低頭，隻係識得喊，個男仔問冲幾次：「你跟唔跟我走呀」
個女仔仍然冇答佢，個男仔就咁走0左去。
隔0左幾年，個男仔賺0左0的錢，買0左部車仲娶0左個老婆，佢就揎駕住架車返去村度，諗住威俾人睇。
架車行到半路死0左火，天色又已經唔早，冇咩車經過，個男仔就同老婆講：「我記得前面有間雜貨舖，你留0係車度先，我去睇睇」
行0下行0下，個男仔真係見到間雜貨舖，就拍門叫人。0個老闆好好人，應承俾佢0地留宿，個男仔即刻想返去接佢老婆。老闆話：「你好快0地去喇，呢條路一到夜晚就好鬼邪0架」
男仔望一望天色，見到太陽就快落山，就急急腳走去老婆0個度，離遠見到自己架車0個陣時，成個人呆0左。 因為佢見到自己老婆0個身仲坐0左0係車入面，但已經冇0左個頭
車頂上面，有個女鬼坐0係度，拎住佢老婆個頭食緊男仔諗都唔諗，一個箭步沖0左上去，一手捉住0左個女鬼，點知發現佢竟然係以前0既女友……
原來0個日女仔決定私奔0既事，佢父母真係知道0左，就鎖住佢，唔俾佢走，女仔一氣之下自殺身亡。點知男仔唔瞭解真相不特隻，仲誤會0左佢添之後，佢日日0係村口條路等個男仔返0黎，0個晚終於俾佢等到，仲見到個男仔0既靚老婆女仔好嬲，就咁食0左……