有冇玩過 手仙/碟仙/筆仙 ?(內有玩法)

有冇玩過,請唔請到(人)上黎?

正唔正?問過D咩? (大忌:唔可以問幾時死)

詳細”筆仙”玩法

各位如果有意玩筆仙就看一看啦~~後果自負~~
首先玩傢要預備一張張的白紙
在白紙上寫上（Ａ∼Ｚ）（１，２，３，４，５，６，７，８，９，０）
（係／唔係）（可以／唔可以）
然後在白紙的兩個角落上寫
一角寫：傢
第角寫：回傢
之後再找一支鉛筆／鉛芯筆（玩完之後唔可以再用！！）
以上是基本的用具
玩傢人數１∼２人
由於自己一個玩會好恐怖
建議兩個人一起玩比較好

找玩的地點：
在一些比較陰暗的地方，如牆角等，一些沒什麼人去的地方
因為這樣才能容易請出筆仙。

拿筆的手勢：
如果是自己一個人玩的 ,
將自己的手向內”差”大 ,
再夾埋
在排手指之間拿著筆
手指公拿穩那支筆的尾端
如果是兩個人玩都亦是差不多
玩傢用手一定要不一樣的
一個用左手，另一個用右手
一個用右手，一個用左手

口號：
一定要說出來的，不說就不會靈的
說的時候一定要誠心
不用合上眼睛的
說”筆仙，筆仙，我地／我有d野問你呀，你可唔可以出一出黎呀？唔該？如果你係度既話就鬱一鬱啦∼∼唔該”

如果不行的話
試多幾次，記緊一定不可以放手，如果你不知道筆仙出現瞭沒，而又想走不玩的話
就可以向筆仙說”啦~~如果你唔係度既，我係十妙後放手啦”
如果十秒後沒有動靜，這樣就表示筆仙已經走瞭／根本沒來過，那就可以放手瞭

問東西的時候不可以問佢何時死去，盡量不要問祂的名字，年歲等等那些東西
問完後想走的時候一定要向筆仙說”我宜傢問題問完啦，我要走啦，唔該哂你呀筆仙／名
唔該你去番””回傢””度啦”
如果說瞭左之後祂還在
就說”啦~我要走啦，下次再有咩事，我再搵你啦，唔該””咁我係十秒後放手架啦” ,
祂沒動靜的就是沒事
那時就可以放手瞭
可是如果祂還在不肯離開
那時已經沒人可以救到你瞭
可以做的東西就是努力勸祂離開

碟仙
需要既野唔多﹐一張碟仙圖(十蚊八蚊張)﹐一隻未用過既碟仔﹐反轉用紅筆畫個箭嘴﹐兩個人或以上就可以玩
首先要一個比較清淨既環境﹐時間就無咩限制﹐但如果係夜晚12點前後玩就好feel好多﹐鐘意可以點幾支香添
將碟仙圖攤平﹐反轉隻碟仔擺係圖中間個圈度(個圈有個名架﹐但唔記得左)
之後輕輕力擺右手中指落碟底度﹐然之後請碟仙﹐
如果請到﹐隻碟會開始鬱﹐係張圖度行黎行去﹐之後你就可以開始問野啦﹐但未玩完前隻碟仲鬱時千祈唔好放手
基本上問咩都得﹐但唔好問碟仙係邊個﹐自己幾時死﹐等等各樣
當問完之後就要請碟仙歸位﹐當隻碟返到中間停左時就可以放手﹐之後打爛隻碟﹐燒埋張圖就算係完成整個過程﹐老老實實有時都幾準下架
但有幾樣野係要記住..
傳說話﹐如果隻碟未停(未歸位)你就放手﹐果個碟仙可能會上你身..
玩之前一定要洗乾淨隻手﹐最好唔好係做完D咩奇怪野之後先玩(心照啦)﹐如果女仔係‘果幾日’就最好唔好玩﹐因為除左可能請唔到碟仙之外仲會有好多可怕後果..
千祈唔好用D舊碟玩﹐因為咁樣係代表唔尊重﹐碟仙係鬼神﹐唔尊重鬼神有咩後果唔駛我講啦...
仲有...千祈唔好去墳場玩碟仙﹗﹗我細個時新聞有賣過﹐有班女學生半夜走去墳場玩碟仙,四五個女仔有兩個失蹤﹐一/兩個死左(事後先發現﹐都過左一排架啦)淨底有一個癡左線
就係呢個神經失常既女仔俾人發現先知有件咁既事...拿﹐話曬十幾二十年前﹐細節我唔太記得清楚﹐如有錯漏而又有人記得﹐請幫幫忙修改一下﹐我唔想俾人話吹水..
碟仙是否存在﹐見人見智...如果你唔信既﹐呢篇野睇完就算
如果信又想試既﹐奉勸你一句﹐諗清楚先好玩...

[[i] 本帖最後由 電車男 於 2005-8-23 03:58 PM 編輯 [/i]]