屯門公路不成文規定

屯門公路不成文規定 [url=http://www17.fail.hk/misc.php?action=emailfriend&tid=4025008]http://www17.fail.hk/misc.php?action=emailfriend&tid=4025008[/url]

屯門公路不成文規定
話說一日我約左個朋友出旺角買野,
因為當日另一個朋友(下稱A)要到元朗拎貨出尖沙咀,
而佢係用公司車,於是佢入屯門車我同朋友B出去,
當我同朋友B買完野後,再約朋友A去唱K,
由於朋友A第二日早上要上大陸車貨,
公司準佢帶走架車於當晚約零晨兩時,
我地一齊坐朋友A車回屯門,當經過汀九至深井一段路時,
朋友A突然減速,後面的車撞上瞭我地既車,
幸好隻係小撞,我地架貨VAN後面度門{粒}左,我地冇人受傷,
而另一架車的司機亦隻是輕傷,當時另一架車司機落車同我地講:
[好彩我諗住落斜先收油所以先咁小事O者,如果唔係就死啦,
你點樣搞架,高速公路唔收得油架],
朋友A當時呆左咁望住先前經過既公路位上方一條行人天橋,
然後講:[而傢D靚仔癡左線呀,咁樣爬出天橋,跌落黎咪大鑊!
仲要成班人睇住佢咁玩都仲笑.....]
我,朋友B同個司機一齊望上去......一個人都見唔到.....
朋友A又話:[我收油都係因為個靚仔差D跌落黎,
我驚撞死佢呀,好大鑊架].....
朋友B見狀即刻拉朋友A上車,而且由佢駕駛(朋友B冇牌),
而另一司機聽完亦立刻上車,仲開得好快走左,
而朋友B亦不斷撻車,架車一著就即刻開得好快走左,
而中途朋友A不斷自己講野.......回到屯門,
朋友B一落車即刻打朋友A兩把,
同佢講:[走啦,返去啦,你唔係呢度架],跟住朋友A先問咩事,
朋友B先講,屯門公路一向有個不成文規定,晚上十一時後,
無論你死火,撞車,撞到人定發生咩事都好,唔好停車,如果停左車,唔好落車...
如果真係落左車而有朋友望見公路附近有人,一定要儘快帶佢離開,
而且一定唔可以再由佢駕駛,離開公路後落車前必須打佢兩把,
同佢講:[走啦,返去啦,你唔係呢度架]我當時就真係乜都唔識講,
朋友B話你當冇事,唔可以同朋友A再提,三日後先可以講佢知....
三日後講左俾朋友A知之後,佢突然咳左幾聲(係好沉既咳)
然後吐左一舊好核突既野出黎
(有D似打死左D四腳蛇必出黎D野既多十幾倍)...
我先知佢咩事...而朋友B就講呢D野係佢做九巴個朋友既亞叔教佢....