香港大學之大門事件

香港大學成日鬧鬼就個個都知..但呢個唔知有無人知呢?'

香港大學有好多個門口,其中一個近般咸道的大門,面對住舊英皇書院,佢係大學之中最
出名的一道門,好多大學生都知道呢道門的特別之處,但就唔多人知道呢道門曾經發生過咩事,我都係聽以前的老前輩講返黎...

如果有時間走去坐巴士去薄扶林（但一定要經般咸道,如４０號或２３號等）,當架車經過英皇書院,即刻望返去右手邊大學位置個邊,你會看到有一道門,係大學向薄扶林方向的第一道門,佢係一道中西式大門,本黎係無咩特別,但當你留心一望佢係閘口上方的位置,刻住香港大學的英文名,再留心一望,你會發現佢的英文字母當中,大學英文名 『UNVERSITY』 的「Ｕ」 字不是「Ｕ」,而是「Ｖ」字,當然,身為香港最出名的大學,點可能比一個「Ｖ」字而影響大學的聲譽,早在很久以前已搵人更改,但係當更改換「Ｕ」字後,第二日它又變回「Ｖ」字,一次又一次都係咁，由於已改瞭多次都變回原狀,好多裝修師父都唔敢再幫大學去改換佢,而大學方面都覺得太駭然,不敢再動佢,就由此時起,怪事就發生啦。

對面的英皇書院,唔知點解對住大學大門的長樓梯,常常都有人唔小心滾左落黎,甚至發生過命案,英
皇書院的人一致認為是大學大門的邪靈所做,最後英皇書院的人為瞭辟邪,在長樓梯再上的一個面對住大學大門的班房裡的黑板上掛左一副「鍾馗」的畫係黑板上面,至此再無事發生。

據說「鍾馗」的畫是一高人指點,而面對住大學大門的長樓梯,本身係通往街外的,而長樓梯外本身有道門,咁巖同大學大門面對面,但自從有命案發生後,一直封鎖道門至今,而大學大門的「Ｖ」字都一直都沒有再整,唔係唔想整,而係唔敢整,所以每當經過大學呢個大門,你都會見到大學的「Ｕ」字是「Ｖ」字...而當你企係那道門時,向對面望過去英皇書院,你會見到有道門,而個道門裡面就係個條長樓梯。

絕對係千真萬確的事,不信可以去睇下香港大學的英文名『HONG KONG UNIVERSITY』的『UNVERSITY』係『VNVERSITY』！而係英皇上面一間班房真係掛左一副「鍾馗」...