風流丈夫的報應

唔知由幾時開始，香港越來越多傢庭慘案發生。其中一宗發生左屯門某屋村。事源於丈夫係內地有二奶，太
太一時諗唔開，半夜燒起炭爐，攬住三個仔一齊死。而果位丈夫當時，重係深圳攬住二奶風流快活。

後來由於屍臭味漫延，呢件慘劇終於被揭發，而當男戶主由大陸返到屋企，大傢都指責呢名負心漢，對佢敬
而遠之，不過，有人開始懷疑，男戶主並唔好過。其中一個鄰居，目擊到佢既老婆同仔一直跟住佢，無論佢
去到邊，身後都有一大三小既綠色發光體同佢一齊。而男戶主既精神，更加係一日差過一日。而係慘案發生
後既一個月，呢個單位無端端起火，冒出濃煙。好采有夜歸既鄰居報警，男戶主先執番條命。

唔知係咪心有鬼既關係，男戶主無幾耐就搬走左。而間屋就空置左出黎。但係房署職員不斷收到鄰居投訴，
話間屋成日都好嘈，懷疑有人非法入住。就嚮呢位職員用鎖打開久未開啟既大門之際，佢見到有三個小朋友
，圍住間屋嚮度追逐，發出嚮亮既笑聲。但係當開門聲驚擾到佢地之後，三個小朋友一齊向佢望過黎。房署
職員認得出，佢地就係死左的三兄弟。尖叫一聲，擲低電筒就走左去，從此再無人夠膽走入呢間屋。

後來聽鄰居講，男戶主諗住上內地另起爐灶，開展新生活，但係二奶既屋接二連三咁起火，二奶覺得好邪門
，決定同男戶主分開，而男戶主最後發左癲，嚮一個公園入面投湖自盡。臨死前，佢重對住個湖講︰「你地
終於迫死我，你安樂啦！」

如果你相信人死後帶住怨念，可以毀滅一切，咁呢次成功報復既背後，代價似乎太大……