2012-5-15 04:45
wilson015
我屋企有怪聲
我屋企有怪聲
我屋企D怪聲由天花傳落嚟， 由朝到晚都聽到， 以前多數係波子聲（係，夜麻麻2點幾既波子聲到凌晨5點幾既波子聲）近幾年變成有： 鎚仔放落地下聲， 鎚仔敲打聲， 鐵鍊聲， 高踭鞋聲， 搬傢私聲。。。好鬼應。 我瞓騎樓上格床既， 有時D聲直程好似喺我塊面前面嚮落嚟甘。 唔止我屋企聽到， 我左鄰右裡都聽到。 喂， 夜晚3點幾喺騎樓著住高踭鞋一路行一路用鎚仔DUP野， 傻既咩？
問題係， 每逢我哋要特登聽清楚D既時候， D醒彷彿會自動收儉； 我哋做自己野時呢， D聲就係咁嘈。 今晚我哋又向管理公司投訴（係， 係”又”。我哋已經投訴左成3年）， 佢哋又即刻派人黎聽， D聲好似知道咁， 即刻靜左好多。 雖然管理人員佢哋都聽到一DD， 但系唔夠應， 而且佢哋專登上去樓上慢慢逐間屋逐間屋聽， 都未揾到源頭。 佢哋亦話樓上並冇吉屋， 間間都有人住個禾。。。
請問在座有無大師高人可以俾D建議我？
BY THE WAY， 我屋企冇安門神同神主牌， 咁有無影響？