電台禁歌~

<<電臺禁歌>>

「唔知大傢有冇聽講過，電臺裡面總會有一些歌曲會被列為「禁歌」呢? 原因當然唔係
話歌曲的歌詞太過露骨大膽，又或者歌詞的題材太過敏感， 太政治化。 而係因為每次
播放親呢一些歌，當晚電臺裡面就自然會有事發生，雖然你可以話係巧合，不過如果每
次都有咁o既事發生，就唔到你唔會懷疑，甚至有好多好多的揣測。

而其中我所知道的一首禁播的歌曲，係屬於一位已經淡出樂壇的女歌手的一首舊作，呢
首歌曲相信好多人都會聽過，因為這首歌曾經係80年代一齣電影的主體曲，更曾經紅
極一時添。不過近年，呢首歌已經好少 DJ 會播。就算真係要播放都絕少會係深宵的節
目裡面播放...........

其實個故事係一個做電臺的朋友講俾我知道的。話說當佢初入行的時候，佢係一個網上
電臺的見習，有一次佢handle個黃昏節目，負責揀歌的時候，搵返呢首歌出來。起初
我地冇乜人理佢做乜，以為佢隻係播D普通流行曲。點知道當隻歌o既 intro 一奏起，
個producer就好緊張咁闖入control room，問我個朋友做乜無端端播呢隻歌...... 講
真，我好少見呢個 producer會緊張成咁。

事後，我好奇咁問佢做乜咁緊張。而佢話我知道原來好多年黎，電臺裡面都有一 D 歌
曲，係唔可以亂播既。就好似呢隻歌咁，每次播親都會有怪事發生，而佢初初入行的時
候，試過有晚上做深夜節目，當時錄音室有幾個新人（包括呢位 producer），佢地有
人負責開咪，有人負責 on panel，有人就係度做錄音剪接的練習。而當晚當呢首歌播
放的時候，做錄音的同事，發現錄到 D 怪聲。佢係播新聞，叫埋另外兩個人一齊黎
聽，原來裡面竟然錄到一把女人的聲音，個把聲音好慘，好似一路喊，一路跟住的旋律
哼歌咁。最後佢地唯有將件事件同帶佢地既前輩講，個前輩就同佢地講，呢件事已經唔
係第一次發生。隻叫佢地以後盡量唔好再羅呢隻歌黎播，就應該冇事。」

夜夜癡纏係其中一首

蔡康年係商臺個靈異節目,其中有集佢講有關呢首歌o既詭異事件,仲播左呢首歌出黎,之後好多人fax去同佢講,播完呢首歌後、佢做緊節目時,聽到有把女人聲,個女人係度喊