咒死高校

時間：三年前•地點：元朗某中學•人物：Kenny

有部戲叫〈高校死咒〉，隻要同房有人死，你就可以加分入名校。聽見故仔好驚。有件事放o係心度一直都唔敢講出o黎，亦係關於o係學校見鬼o既事。

三年前，有個轉校生，但好少返學。同學對佢都唔熟，不過見到佢大傢都笑佢，因為佢有一隻眼有白點，好似白內障咁，同學有啲驚佢，都唔敢正面望佢。不過最恐怖係佢有時會o係你背後同你講o野。

有次上體育堂，大傢排隊跳高，佢o係同學背後話：「阻住曬！你去死啦。」個同學以為佢講笑，冇理佢。點知一跳，成個槓桿架「責」o係佢身上，本來「責親」都會冇乜o野，但係個同學下體竟然流出血。大傢想笑但係又好驚。

冇耐上化學堂，阿Sir放幻燈片，開著幻燈，拉上佈簾時，我竟然見到有隻狗o係幻燈機上面走過。我好驚，因為成間學校根本冇狗，我同同學講，個個都話見唔到。我已經好驚。

後來呢個細路因為屋企問題退學。呢年秋季去宿營先聽到Miss講，嚇到我成晚瞓唔著。原來個細路屋企有隻狗，不過隻狗畀人落毒死o左。呢件事已經發生o左一年，但係個細路成日聽到有把狗吠聲o係佢耳邊。

呢件事佢冇同父母講，因為佢父母係盲o既，佢唔想父母擔心。所以曾經同Miss講過，但係冇理由叫學生去搵師父㗎嘛，唯有安慰佢叫佢早睡早起自然冇幻覺。不過最恐怖係個細路同Miss講，話學校朝早十一點左右就會有隻鬼出o黎o係操場走。邊個阻住佢，佢就會害邊個。Miss梗係當佢講故仔喇。但係有時我半夜諗起都好驚。

李終貴按：終貴都有養狗，所以聽得毛骨悚然。終貴細個時養過隻流浪狗，終貴媽一直反對，但係偏偏佢對隻狗最有感情。

點知隻狗養o左三個月，就患肺病病死o左。之後成個月終貴媽每次去買餸返o黎，一開門都會聽到兩聲狗吠聲。因為隔鄰並冇養狗，所以最後隻係以為自己聽錯。但係有次終貴媽因為感冒，所以煲藥，點知一邊煲，佢就一邊瞓，一瞓就唔知睇火。

唔知瞓o左幾耐，佢突然畀狗吠聲吠醒o左，因為突然醒，並冇為意，佢意然見到隻狗瞓o係佢腳邊。終貴媽話：「你咪o係度賴尿呀！」跟住就走入廚房。點知入到廚房見到個煲成個黑曬，如果走入遲一步真係火燭都有份。

不過佢一打開煲，就即刻醒起隻狗已經死o左，點解正話見到隻狗瞓o係自己腳邊。嗰時終貴媽先開始驚。

後來因為實在無聊，所以又養過一隻狗。隻狗一入屋企門口已經成日吠，終貴媽話：「大傢和氣相處。」過o左兩個月，終貴媽都冇見到隻「鬼狗」再現身。收養o既狗亦冇成日吠，但係竟然有o左，生o左三隻狗仔，其中有隻o既樣有啲似終貴媽死o左隻愛犬。

終貴隻覺得狗有相似，並冇當一回事，不過當隻狗如珠如寶。到而傢隻母狗已經送畀人，不過呢隻狗仍然o係終貴屋企。