架勢堂．．

試聽傳聞中 3首有詭異怪聲o既國語歌……

1） 潘美辰 —「我曾用心愛著你」

　　本身係一首情歌，但奇怪地響3分38秒有怪聲出現！傳聞話怪聲出現之前，聲音會突然分成兩軌，另一條軌會依稀聽到另一把女聲，唱出林憶蓮o既「愛上一個不回傢的人」其中一句歌詞：「初見那時美麗的相約」。

　　經過多次試聽，結果：

森美、小儀、亞金三人都肯定潘美辰「我曾用心愛著你」呢首歌響3分58秒係無人唱「愛上一個不回傢的人」。

2） 孫燕姿＜Leave＞專輯 —「我想」

　　傳聞話響1分38秒會莫名奇妙地出現另一把聲講「謝謝你」。聽一次唔會覺

有任何特別，但再三細聽後就會發現「謝謝你」呢句說話，藏響music break之中。

　　經過多次試聽，結果：

森美：完全聽唔到。

小儀：每一次都聽到，仲聽得出係一把低沉男人聲講出「謝謝你」。

亞金：一時聽到一時聽唔到。

3）蔡依林—「看我72變」

　　坊間最多人傳呢首歌有怪聲出現。傳聞話呢把神秘怪聲，響2分22秒出現。而呢把聲叫得好悽厲，仲分唔到係男仔聲定女仔聲，但絕對唔係蔡依林o既聲！有人提供話清楚聽到響2分22秒時，會突然出現有人大叫「哥哥」……究竟響蔡依林唱歌途中，邊個叫「哥哥」呢？

經過多次試聽，結果：

森美、小儀、亞金完全清楚地聽到，仲響左邊出現有人叫「哥哥」。

　　我o地曾經討論過「哥哥」可能隻係和音，但係唔明白點解會響2分22秒要加入一個同歌詞完全無關係o既「哥哥」。

究竟點解要安排有人叫「哥哥」o既聲音入去，定係有人刻意叫出「哥哥」，想我o地知佢o既「存在」？

　　你，聽唔聽到呀……？

－－－－－－－－－－－－－－－－－－－－－－－－－－－－－－－－－－－－－－－－
第３果個我真係聽到．．．