亂咁撞

亂咁撞

今年２月阿公過世，我從加拿大回港參加葬禮。我由大約12歲便舉傢移民，每年會回港探阿公，大傢感情幾好。 但我認為死係好自然的事。唔知點解阿公過身，一滴淚都冇流過，反而對出殯儀式一切都非常好奇。曾多次參加別人的葬禮，但冇估過以傢人身分出殯有咁多儀式。

　由出殯、飲解穢酒、上山、食英雄飯，樣樣做齊。 不過怪事接踵，相信就發生在守夜當晚。我遲到，自己搭的士趕去殯儀館，一上車，重複多次，的士大佬都聽唔清楚目的地，仲口口聲話「唔老黎，唔老黎」，一直鬼食泥的到我落車，仲話唔畀我響正門落。心諗「使唔使咁？」 到達殯儀館，館內很多靈堂，仲好寒好陰，一D血氣都冇，四周場內工作的人又瘦又面色蒼白。就算冇事發生，都會疑心心暗鬼即將會有事發生。

　掛住周圍望，忘記阿公的靈堂……亂咁中，不慎中錯靈堂，抬頭一望，靈堂正中一張大大的遺照，一個後生女約20歲，面容娟好，長髮但苦笑，印象非常深刻。 我呆左。突然有人從後輕輕拍我肩膊，低沉咁話：「盲中中，唔好亂咁中，會好麻煩呷，細路！」我慢慢轉頭一望，原來係之前見過的堂觀（佢負責阿公靈堂的主持），差D嚇破膽。

　佢一手很快捉著我，帶我返回阿公靈堂。一路我個心感到不安，腦海思潮不斷浮現出個女子的樣。我係教徒，唯有祈禱求上主令我平安。不過事後我病左一場。

中學生提供