日飲 3公升檸檬水　 1周減 12磅

呢幾日鬼咁熱，暴露日光 10分鐘全身都可以榨出鹽喇，所以我狂飲水，但唔係齋飲白開水，而係加咗檸檬嘅「減肥水」。其實檸檬含豐富維他命 C同高量鉀元素等，有健康美容效果，好似維生素 C，就有天然抗氧化功效，能保護肌膚免受環境中，例如陽光或污染物等有害物質影響。由於夏天經常排汗，亦會令鉀元素大量流失，若未能即時補充就好易令人疲倦，食檸檬就係一個不錯的選擇！檸檬可以中和胃酸，有清腸作用；檸檬皮亦含類似麻黃素、苦橙成份，可促進新陳代謝，兩者都能夠幫助瘦身。

以效果論，當然飲檸檬汁最好，但若嫌檸檬汁太酸，可試飲檸檬水，但每日就一定要配合做運動，不必持續進行，分散時間都得，總之就係令流汗量增多，排走體內有害物質。結果我上星期試咗，短短 7日就已經減走 12磅，好神奇呢！但要留意，畢竟檸檬酸性強，胃潰瘍、胃酸分泌過多人士不宜。

檸檬水瘦身法 Menu

製法：將半個檸檬的汁放入 1公升水，放入雪櫃冷藏即可

飲法：每日至少飲 3公升，毋須特別節食或禁絕零食，但每日要配合 15分鐘運動

注意：胃潰瘍、胃酸分泌過多人士不宜