[轉]美臀溜冰　 10分鐘速成飛機

[img]http://hk.apple.nextmedia.com//images/apple-photos/apple_sub/20110726/large/26fx2p.jpg[/img]

大暑都過埋，想唔認夏天到咗都唔得！日日太陽好似火爐係咁燒，想做戶外活動嘅心情都熔化埋，都係搵個地方避吓暑最實際！凉浸浸嘅冰場就係唔錯選擇，不過衰在自細無好好學習，今次臨熱先嚟抱教練腳，好彩有速成心訣，玩花式都無難度。

[size=20pt][b]踩冰速成！識滾軸　更易溜冰[/size][/b]

[img]http://hk.apple.nextmedia.com/images/apple-photos/apple_sub/20110726/large/26fx4p.jpg[/img]
[size=8pt]溜冰教練黃佩詠[/size]

好多人感覺溜冰場似把妹場多過練習場，人人行行企企，係咪真係學到嘢 o架？不過溜冰場專業教練黃佩詠就話一樣學到腳下功夫：「就算平時在場內行走，一樣可提升平衡力，當平衡掌握得好，自然有根基學習更多花式動作。」
冰！唔係人人識溜，但如果你識踩 Roller，咁就事半功倍：「學過滾軸溜冰，對溜冰有幫助！兩者平衡感都是一樣；玩慣滾軸溜冰，就會知道跣冰時的重心在哪點。」
「溜冰屬全身運動，起初學習會好累人；對於女性，溜冰更可做到瘦身效果，因為好多動作都要用到大腿和臀部肌肉，所以對收緊臀部會有幫助！」

[img]http://hk.apple.nextmedia.com/images/apple-photos/apple_sub/20110726/large/26fx13p.jpg[/img]
[size=8pt]■初學者最緊要識平衡，教練指雙腳要微彎，重心微微向前傾。[/size]

[img]http://hk.apple.nextmedia.com/images/apple-photos/apple_sub/20110726/large/26fx18p.jpg[/img]
[size=8pt]■學溜冰先要懂得控制平衡，自自然然可以做出更多動作，例如單腳跣。[/size]

[size=20pt][b]超 10級　奧運花式[/size][/b]
[img]http://hk.apple.nextmedia.com/images/apple-photos/apple_sub/20110726/large/26fx26p.jpg[/img]
[size=8pt]■飛機屬於 Freestyle的 1級動作，懂得要訣就有機會做到。[/size]

學習一種新運動，走唔甩由基本功學起：「初學者需要跟隨一級級的動作去學習，當教練覺得及格就可以升級，再去學下一級別動作。最基本的動作先要學跣！想學轉圈？這已屬花式級別動作！」
「基本功共 5級，包括 PRE-ALPHA、 ALPHA、 BETA、 GAMMA同 DELTA，前後溜只屬 PRE-ALPHA動作，即係基本第 1級，花式級（ Freestyle）共有 10級，因為比賽主要是分級數同年齡，每一級都會有比賽的，而像奧運那些比賽的級別，通常已經超過第 10級的級數。」
想速成？唔係無辦法嘅，黃教練就透露咗套速成心法，就算只係識跣唔識花式嘅 Model，一樣做到 Freestyle 1級動作──飛機（ Arabesque）：「先用單腳向前推，推冰嘅時候，一隻腳企定，一隻腳拎起、再提高，呢個動作需要大髀用力，同埋腳尖用力，蹬直整隻腳，最重要喺腳部伸直，就可以做到單腳向前推跣。」

[img]http://hk.apple.nextmedia.com/images/apple-photos/apple_sub/20110726/large/26fx27p.jpg[/img]
[size=8pt]■單腳企定，另一隻腳向前推進，還要提得高一點。[/size]

[img]http://hk.apple.nextmedia.com/images/apple-photos/apple_sub/20110726/large/26fx28p.jpg[/img]
[size=8pt]■大髀和腳尖都需要用力，腳趾用力扯直整條腿。[/size]

[size=20pt][b]初哥必學跣[/size]
[size=15pt]Forward Swizzle（ PRE-ALPHA級）[/size][/b]
[img]http://hk.apple.nextmedia.com/images/apple-photos/apple_sub/20110726/large/e02box1.jpg[/img]

是給初學者學習的動作，滑行之後，雙腳像是葫蘆形的向前，向外用力再合起，就可以保持一直向前滑行，就不會那麼快停下。

[size=15pt][b]Backward Wiggle（ PRE-ALPHA級）[/size][/b]
[img]http://hk.apple.nextmedia.com/images/apple-photos/apple_sub/20110726/large/e02box2.jpg[/img]

這是最基本的褪後動作，初學者一定要學習，做動作時需要扭腰，再帶動雙腳左右擺，前腳掌用力踩住地下。

[size=15pt][b]Forward Stroking（ ALPHA級）[/size][/b]
[img]http://hk.apple.nextmedia.com/images/apple-photos/apple_sub/20110726/large/e02box3.jpg[/img]

用了最基本的溜冰姿勢是向前推冰，推冰的時候一隻腳踩實，一隻用力撐地後向後提起，提起後腳趾用力蹬直，之後一下左、一下右向前推進，動作的困難在於單腳平衡。

[size=20pt][b]裝備篇[/size]
[size=15pt]腳下刀功夫[/size][/b]
[img]http://hk.apple.nextmedia.com/images/apple-photos/apple_sub/20110726/large/26fx67pnewss.jpg[/img]

老套講句，工欲善其事，必先利其器！初學者都學溜冰裝備：「想玩跳嘅動作，溜冰刀嘅齒會大粒啲，咬地能力高啲、可以彈得高啲！至於弧度大嘅溜冰刀，通常屬高級玩家使用，初學者用嘅刀會平少少，溜冰嘅時候會穩定啲。」

[size=15pt][b]溜冰者的刀[/size][/b]
[img]http://hk.apple.nextmedia.com/images/apple-photos/apple_sub/20110726/large/26fx33p.jpg[/img]
[size=8pt]■ Matrix Legacy Series（ Pink& Blue）$2,000
刀身輕、弧度平均，功能比較全面，一般動作都適合使用。[/size]

[img]http://hk.apple.nextmedia.com/images/apple-photos/apple_sub/20110726/large/26fx34p.jpg[/img]
[size=8pt]■ Corontaion Ace$1,500
刀身較細，適合初級者，花式 1至 2級的動作都能應付自如。[/size]

[img]http://hk.apple.nextmedia.com/images/apple-photos/apple_sub/20110726/large/26fx35p.jpg[/img]
[size=8pt]■ Phantom K-Pick$3,980
齒部加厚，比較適合高級花式動作，跳躍動作更有力度。[/size]

[img]http://hk.apple.nextmedia.com/images/apple-photos/apple_sub/20110726/large/26fx36p.jpg[/img]
[size=8pt]■ Pattern 99
有一顆大粒的刀齒，對喜歡做跳躍花式動作的選手有幫助。[/size]

[size=15pt][b]初學上身裝備[/size][/b]
[img]http://hk.apple.nextmedia.com/images/apple-photos/apple_sub/20110726/large/26fx37p.jpg[/img]
[size=8pt]a.花式溜冰鞋須配上溜冰刀，高級款式的鞋才可以自由選配。[/size]

[img]http://hk.apple.nextmedia.com/images/apple-photos/apple_sub/20110726/large/26fx30p.jpg[/img]
[size=8pt]b.手襪不是用來保溫，功用是保護手指，以防落地時弄傷。[/size]

[img]http://hk.apple.nextmedia.com/images/apple-photos/apple_sub/20110726/large/26fx32p.jpg[/img]
[size=8pt]c.初學者未適應平衡，護膝可減少乾冰帶來的痛楚。[/size]

[img]http://hk.apple.nextmedia.com/images/apple-photos/apple_sub/20110726/large/26fx31p.jpg[/img]
[size=8pt]d.溜冰場內可能有身體上的碰撞，保護頭部當然要帶頭盔。[/size]

[img]http://hk.apple.nextmedia.com/images/apple-photos/apple_sub/20110726/large/26fx39p.jpg[/img]
[size=8]e.一般的練習服，是長運動褲配上輕便的上衣。[/size]

[img]http://hk.apple.nextmedia.com/images/apple-photos/apple_sub/20110726/large/26fx40p.jpg[/img]
[size=8pt]f.溜冰服一般在比賽時才穿着，可自由選擇不同款式衣服。[/size]

[size=15pt][b]加鞋墊　更易跳[/size][/b]
溜冰鞋款式都一樣，主要是由皮做成，分別在於鞋筒有唔同硬度；高級的會有鞋墊在鞋筒外邊，將鞋身加硬，令佢跳嘅時候可以做到帶起整個人嘅力量，而初學者就唔會用呢款！「跌嘅時候比較危險，因為冰面可弄傷手，其他人都有可能撞到或者踩到你，所以初學者盡量帶手襪先去溜冰。」衣着方面，初學者會穿運動長褲，如果怕跌可以戴護膝、護踭等：「普通溜冰裙會在比賽時穿着，比賽嘅服裝係可以自選；男子就會穿緊身溜冰褲，上身會穿短袖嘅溜冰衫。」


[size=20pt][b]救命招！[/size]
[size=15pt]未學行先學跌[/size][/b]
[img]http://hk.apple.nextmedia.com/images/apple-photos/apple_sub/20110726/large/26fx23p.jpg[/img]
[size=8pt]■想跌前，準備雙手 㩒住膝頭，同時令重心前傾。[/size]

初學者最緊要留意，將膝頭微微曲，等重心可以低啲，令整個人向前傾；就算跌，都可以向前㩒住膝頭，咁就唔會弄傷尾骶骨。
真係要跌嘅時候，要盡量向側跌，唔好向後跌，因為向後跌好容易傷到腰骨；側跌時要用臀部坐下，千萬留意手部不能放喺地上，因為好易被人踩親手指，保護動作係盡速「跪低」，並用一隻腳企喺地上，再用雙手按住地面借力起身。

[img]http://hk.apple.nextmedia.com/images/apple-photos/apple_sub/20110726/large/26fx24p.jpg[/img]
[size=8pt]■盡量向側邊跌，要臀部着地，以免傷腰骨。[/size]

[img]http://hk.apple.nextmedia.com/images/apple-photos/apple_sub/20110726/large/26fx25p.jpg[/img]
[size=8pt]■切記保護雙手，必定要將手收起，不可放在地上。[/size]

[size=20pt][b]高難動作　真人 Show！[/size][/b]

[size=15pt][b]profile[/size][/b]
[img]http://hk.apple.nextmedia.com/images/apple-photos/apple_sub/20110726/large/26fx5p.jpg[/img]

溜冰學員 Jolie（ 15歲）
等級： Freestyle 4
溜冰年資： 5年
成績：香港溜冰錦標賽
08年 Free Style 2（冠軍）
08年 Solo Comp（冠軍）
09年 Free Style 3（冠軍）
09年 Solo Comp（第四名）

[size=20pt][b]踩正刀頭　必仆！[/size]
[size=15pt]飛機（ Arabesque） Freestyle 1級[/size][/b]
[img]http://hk.apple.nextmedia.com/images/apple-photos/apple_sub/20110726/large/26fx6p.jpg[/img]

做動作時，隻腳提得越高先叫越靚，同埋越高分！呢個動作嘅難度係好易向前仆，因為如果踩到腳尖嗰個方向，齒位會令你好易向前仆；整個動作需要滑行 4至 5個溜冰者的身高才算完成。

[size=20pt][b]跳芭蕾　講美感[/size]
[size=15pt]跳起（ Ballet Jump） Freestyle 2級[/size][/b]
[img]http://hk.apple.nextmedia.com/images/apple-photos/apple_sub/20110726/large/26fx11p.jpg[/img]

要做 Ballet Jump，先要做右腳推冰轉身，之後篤冰，最後跳起做一個像是芭蕾舞的姿態：「難度係手同腳，都要做到好美嘅姿態，還要跳得高才算完美。」

[size=20pt][b]大髀要夠 Power！[/size]
[size=15]轉圈（ Sit Spin） Freestyle 4級[/size][/b]
[img]http://hk.apple.nextmedia.com/images/apple-photos/apple_sub/20110726/large/26fx8p.jpg[/img]

轉圈係 4級動作，首先雙腳要做成一個交叉，再將身體慢慢向下，做成一個坐下動作；喺坐下嘅同時需要轉動，以考試嘅及格標準來計，需要坐低嘅時候轉到 6個圈，才可以慢慢上升自轉，好考大髀嘅力量。

[img]http://hk.apple.nextmedia.com/images/apple-photos/apple_sub/20110726/large/26fx9p.jpg[/img]

[img]http://hk.apple.nextmedia.com/images/apple-photos/apple_sub/20110726/large/26fx10p.jpg[/img]

來源:蘋果日報網站