拒認新歌走音 重錄為添感情 千嬅:你估我有幻聽咩?

(星島)2010年5月30日 星期日 06:30
(綜合報道)

(星島日報    報道)楊千華剛被傳媒踢爆派台歌《飲酒思源》走音須回收    再錄，昨日她與劉德華    出席港台    活動時，連聲否認自己走音，解釋只想感情更好，才再錄新版本，讓DJ自行選播任何一個版本！對於被指走音，千嬅堅稱：「你估我幻聽咩？廿幾位工作人員有聽障咩？走音點出到街呢？唔好咁誇張，大家用常理諗吓啦！」文、圖：鍾舜英

　　昨日華仔與千嬅到港台為7.1聲道製作之廣播劇《毒戒》錄音，對於周星馳    成為上市公司執行董事，華仔表示自己開公司以來也從未試過上市，現在也沒這想法。問他是否經歷多次失敗而害怕？他坦言：「唔係怕，如果自己一個人開公司又能上市，就會考慮；但跟其他人合作，唔係自己控制範圍內，就唔想，我睇到周星馳有3成以上股份，佢應可以控制到公司。」

　　走音點會唔知

　　此外，千嬅對於新歌被指走音要回收重錄一事，昨日她否認並解釋，若走音可以再錄，加上現今科技發達，1粒音走了，兩秒鐘便可更正；另外，陳輝揚的要求比她還高，但她承認錄製此曲時，狀態、用氣和回氣也不太好，「那只是廣告的派台歌，不可製成唱片，就像拍戲也因感情未夠好可以拍70多次，（哪妳有否走音？）那有這可能！你估我幻聽咩？廿多位工作人員你當佢口地聽障呀？點會走音都畀首歌出街呢？當時如果走音，會停咗再唱過。唔好太誇張，大家用常理去諗吓啦。」對於肥媽暗寸她走音，千嬅坦言：「唔會唔開心，前輩批評我、注意到我，即係我有價值，藝人要接受批評，但我有工作原則，身體有益便做，今次事件發大了些吧。（她說星光幫不會走音？）每人性格不同，不用執著，我是華星幫，華星幫性格係咁，唔好意思。」問到是否首次出現重錄派台歌？「發生過，可能當時我未紅，（這次是否全數派台歌也回收？）今次唔係回收，只是再錄一個新版本，睇DJ鍾意邊個版本就播嗰個。」

　　■對於肥媽日前說星光幫不會走音，千嬅即反擊說自己屬華星幫！

　　■昨日華仔與千嬅到港台為廣播劇《毒戒》錄音。

　　■千嬅兩次向公仔做人工呼吸失敗，她說要「打真軍」才會成功。