林峯：我冇陳生電話

迷雲黨藝員在陳志雲落難後被指冇運行，無綫當紅小生花旦林峯、廖碧兒和林保怡昨日分別與陳總劃清界線。林峯昨午返將軍澳電視廣播城開工，被問到有否問候陳總時，他說：「我冇陳生電話，其他嘢我唔回應啦，唔好意思。」

保怡唔願助查
曾被視為志雲愛將的碧兒昨日則到九龍灣出席活動，她說：「我冇聽過喎，呢排我都照做嘢。」之後又聲稱沒跟陳志雲聯絡，廉署也沒要求她助查。她謂近兩年甚少為無綫工作，問到她以往有否試過被壓價或拍膊頭以友情價演出時，她說：「其實工作都唔係自己接，因為我係簽 TVB做經理人，我好少會同客接觸或者自己處理合約。」有否出席過寧進或叢培崑公司的活動？她說：「我唔清楚，好多時有朋友叫到我，我都會出席，有時利是都冇。」
此外，林保怡昨日在尖沙嘴宣傳節目《敦煌》時說：「震驚同可惜，我唔會被人壓價，我賺錢係因為我冇乜錢。我本身同陳總唔熟，有人話過我係陳總派，不過我只係視佢為上司。」對於廉署近日邀請藝人問話，他說：「唔好搵我，我唔得閒，因為遲一日開工會令拍劇停廠。」
採訪、攝影：藍文浩、駱華齡