祖兒遭偷拍睡姿心靈受創

祖兒遭偷拍睡姿心靈受創                                                                                                      本文重點
                      [list][*][url=http://orientaldaily.on.cc/cnt/entertainment/20100127/00282_007.html#para3]拒簽名作小懲戒[/url][*][url=http://orientaldaily.on.cc/cnt/entertainment/20100127/00282_007.html#para5]阿Sa籲樂壇團結[/url][*][url=http://orientaldaily.on.cc/cnt/entertainment/20100127/00282_007.html#para7]有此一著[/url][/list]                    

                    
                  
                                                        樂壇天后容祖兒昨日由上海趕返港出席活動，乘車往機場時，機警的她發現司機竟邊揸軚盤邊以手機偷拍其「睡姿」，最後司機主動交出手機讓祖兒刪除短片，自封電腦小神童的祖兒慨嘆：「呢個世界好唔安全……好似赤裸咁！」明顯飽受心靈創傷。               
                                                                                        容祖兒、古巨基及蔡卓妍（阿Sa）昨日接受網上電台訪問，分享入行十年奮鬥史。剛由上海返港的祖兒甫見記者即大吐苦水：「今朝喺上海返嚟，因為太早起身，喺車上瞓着咗，突然意識到有人影緊我！朦朧間我見個司機一邊揸軚盤、一邊揸住手機，咪即刻喺倒後鏡望實佢囉！佢個眼神好閃縮同鬼祟，當時只得我、化妝師同髮型師。」
                          [table]                [tr]                  [td]                                                                                                              [url=http://orientaldaily.on.cc/cnt/entertainment/20100127/photo/0127-00282-007b2.jpg][img]http://orientaldaily.on.cc/cnt/entertainment/20100127/photo/0127-00282-007p2g2.jpg[/img][list][*]（左起）基仔、祖兒和阿Sa在活動上笑得開懷，未被事件影響心情。[/list][/url]                                                                     
              [/td]                                                                        [td]                                                                                                              [url=http://orientaldaily.on.cc/cnt/entertainment/20100127/photo/0127-00282-007b3.jpg][img]http://orientaldaily.on.cc/cnt/entertainment/20100127/photo/0127-00282-007p3g2.jpg[/img][list][*]阿Sa出席活動時以過膝長靴配短裙騷美腿。[/list][/url]                                                                     
              [/td]                                                                                      [/tr]                [/table]                                                                                                                                                    拒簽名作小懲戒                深深不忿的祖兒一直等待助手救援，她續說：「因為佢坐喺第二架車，點知去到機場，司機仲叫我幫佢簽名，我咪叫佢交部電話畀我睇，佢點知我係電腦小神童吖，真係攞畀我睇。（跟住點？）我極速搵到偷拍嗰條片，仲即刻刪除咗，仲同佢講唔幫佢簽名嚟懲罰佢。」祖兒坦言今次事件令她擔心安危：「原來呢個世界好唔安全，好似赤裸咁。（聰明？）唔係，係醒同機警。」
                                                                                                                                                                    此外，有傳Amusic在《勁歌》頒獎禮未能為衞蘭的歌曲《就算世界沒童話》爭取「金曲金獎」，故暫不接受無綫及有線訪問作「無聲抗議」。憑歌曲《搜神記》勇奪「金曲金獎」的祖兒喪笑謂：「咁誇？冇睇報道唔識答，都有聽過《就算世界沒童話》。（邊首好聽？）梗係自己嗰首啦！」
                                                                                                                                                    阿Sa籲樂壇團結                阿Sa與古巨基則力撐祖兒的《搜神記》奪「金曲金獎」是實至名歸，阿Sa說：「冇話邊首hit啲，每個電台同電視台都有佢嘅機制。（Amusic作無聲抗議？）相信香港歌手都想香港樂壇團結，其他地方都好犀利，所以我哋要更加團結對抗。」基仔亦稱：「兩首都有聽，祖兒首《搜神記》好好聽，唔了解唔想發表意見。」
                                                                                                                                                                    採訪：音樂組
                                                                                                                                                    有此一著                祖兒穿上連身黑色短裙，外披Miu Miu透視金色褸，配襯購自On Pedder的黑色長Boots出席活動，盡騷其潮流Icon品味，她自爆扮靚心得全靠看潮流書籍，雖然貴為天后的她已吸引不少大型品牌贊助服裝，但她每季仍需花六位數掃貨。
[url=http://orientaldaily.on.cc/cnt/entertainment/20100127/photo/0127-00282-007b1.jpg][img]http://orientaldaily.on.cc/cnt/entertainment/20100127/photo/0127-00282-007p1g1.jpg[/img][list][*]祖兒慘遭偷拍「睡姿」，雖已親手刪除片段，但她已安全感盡失。[/list][/url]


東方日報
http://orientaldaily.on.cc/cnt/entertainment/20100127/00282_007.html