方 力 申 直 認 識 茅 山 師 傅

[size=4]方力申近日被指認識誘騙 o靚模性交罪成、自稱茅山師傅的歐陽國富，有指小方曾與一名女星拜訪歐陽國富，也有報道指鍾欣桐（阿嬌）和蔡卓妍（阿 Sa）與該茅山師傅相熟。
小方所屬的金牌大風發言人林小姐昨日在電話中說：「小方承認識呢個師傅，但進一步嘅嘢就唔再回應。」方力申前晚本應邀到中環出席時裝活動卻臨時甩底，林小姐說：「其實我哋冇接過活動邀請，可能係誤會。」
孫耀威與一班 o靚模包括 Lavina、 Rainbow及 A Lin.等則有出席前晚的活動， Lavina以低胸裙示人，談到吸毒被判感化的師妹 Monique，她說：「我冇同佢聯絡，我唔係呢件事先同佢割蓆，大家同公司但唔親密，唔想打畀佢，好似做龍鳳戲咁虛偽畀大家睇。」
孫耀威透露將派新歌上台，談到他所屬的唱片公司與無綫鬧翻，他說：「公司話拍咗 MV之後放上網播，其實無綫都好重要，即使有 hard feeling，但坐埋一條船就要支持公司。」[/size]