李蘊為A貨惡女大平反

李蘊為A貨惡女大平反                                                                                                                        最近網上流傳一段短片，片中少女帶上Cap帽惡斥男朋友拈花惹草，大鬧快餐店，最後拂袖而去，有網友指女主角疑是樂壇新人李蘊（Renee），指無論外形與聲線亦與Renee似到足。               
                                                                                        Renee接受電話訪問時說，在討論區看過有關片段：「不過我冇去過嗰個地方，亦唔識嗰個男仔，但聽講段片都唔係真，嗰個女仔唔係咁。」被無辜拉落水的Renee只當笑話一則，更為翻版平反，認真大氣量：「其實外形真係幾似，我同屋企人都覺得。（聲似？）唔會喇，識我嘅朋友就知道唔似，都唔怕影響形象嘅，因為根本唔係我，清者自清嘛！」十八歲的她目前未有拖拍，希望工作為先，她可會是野蠻女友？Renee說：「對住自己鍾意嘅人唔會咁啦，唔會好似片中女主角咁。」





東方日報
http://orientaldaily.on.cc/cnt/entertainment/20091204/00282_062.html