拍打戲蝕底畀吳京 小方呻苦：攬攬錫錫好過

[url]http://hk.apple.nextmedia.com/template/apple/art_main.php?iss_id=20090821&amp[/url];sec_id=462&subsec_id=830&art_id=13121496

方力申與吳京一文一武，吳京獨愛拍打片，方力申就多數拍愛情片，在電影《機器俠》中，二人都可一嘗未曾拍過的題材，不過方力申還是喜愛攬攬錫錫的愛情片，吳京則耍手擰頭說：「都係打戲啱我多啲。」
方力申與吳京一齊宣傳電影《機器俠》，二人在戲中飾演機械人，戲中他們互相對立，還會大打出手。打戲對吳京來說可謂駕輕就熟，小方當然要向吳京請教，小方笑言：「其實我似俾佢打多啲囉，不過都唔係真打嘅，都係效果啫，但係都學到好多嘢。」
追求一秒鐘愛情雖然戲中有不少動作場面，但該片其實是一部愛情片，說的是一秒鐘的愛情，二人又點睇一秒鐘的愛情呢？小方說：「一秒嘅愛情可以變成一刻嘅永遠，好多人都係追求緊呢樣嘢。」吳京說：「好多愛情都係一秒鐘發生，愛情可以有好多一秒，第一秒對彼此的感覺，第一秒愛上對方，我梗係試過一秒嘅愛情喇。」
拍愛情片對小方來說輕而易舉，他笑言：「我寧願拍愛情片，攬攬錫錫好過，拍打戲比較辛苦。」反觀吳京就耍手擰頭說怕怕，他說：「就算有呢類戲我都唔想接，因為我唔鍾意攬攬錫錫，覺得好尷尬，都係打戲啱我多啲。」吳京在片中除與人對打外，還不時與空氣對打，因為戲中有不少特技效果，他說：「同人打好過同空氣打，同空氣打冇反應，仲要拍好多次，辛苦好多。」
採訪：胡比　攝影：黃偉雄 [img]http://hk.apple.nextmedia.com/template/apple/images/art_end.gif[/img]